1-şı top mügedegı Aidos Medianov karatenıŋ qara belbeuıne ie boldy dep habarlaidy «Adyrna» Astana TV telearnasyna sılteme jasap.
32 jastaǧy Aidos tuǧannan sal aurymen auyrady. Onyŋ bala küngı armany karate sportynyŋ şeberı bolu. Mümkındıgı şekteulı bolǧanyna qaramastan, armanǧa jetu üşın aianyp qalmaǧan. Baldaqpen sport zalyna alǧaş kelgenı de, älı esınde. Qazır ony tastaǧan. Oǧan qosa Japon tılın üirenıp jürgenın aitty.
Aidos MEDIаNOV, I TOP MÜGEDEGI:
-Qara beldeuge jetuge qoiyp, osy jolda 8 jyl jattyqtym.Sportşyny bastapqyda eşqandai jattyqyruşy qabyldamapty. Qazırgı jattyqturyşysyn internettan tauyp alǧan. Rüstem Sūltanbekov tua bıttı sal auruyna şaldyqqan sportşymen jūmys ıstegenın körıp, qolqa salǧan. Ūstazy densaulyǧyna kerı äserı boluy mümkın ekendıgın eskertken. Bıraq Aidos alǧan betınen qaitpady deidı. Degenmen jattyǧu jūmystary oŋaiǧa soqpaǧan. Rüstem SŪLTANBEKOV, A.MEDIаNOVTYŊ JATTYQTYRUŞYSY:
Ärine, aitarlyqtai qiyn boldy. Öitkenı ol üşın alaŋdadym. Bıraq Aidostyŋ jankeştılıgı menı taŋqaldyrdy. Aptasyna üş ret bır jarym saǧat jattyǧady. Sportzalǧa bara almaǧan kezde de, jattyǧudy üide jalǧastyrdy. Nätijesınde qara belbeu emtihanyna tolyǧymen daiyn boldy - denesımen de, ruhymen de. Men adamdardy sau jäne denı sau emes dep bölmeimın. Eŋbek eş ketken joq. Arman oryndaldy. Erekşe sportşy qara belbeu iegerı atandy.Aidos MEDIаNOV, I TOP MÜGEDEGI:
Özıŋdı kem dep sanamauǧa tyrysu kerek. İä, ömırde qiyndyqtar bolady. Barlyq esıkter bırden aşyla salmaidy. Menıŋşe, adam tyryspasa, eşteŋe bolmaidy.Aidos mūnymen toqtap qalmaitynyn aitty. Jattyǧularyn jalǧastyra bermek, bolaşaqta özı siiaqty jandardy karatege daiarlaudy maqsat etıp otyr. Būdan özge jetıstıgı de az emes. 4 tıldı jetık meŋgergen sportşy, zaŋger mamandyǧy boiynşa bılım alyp jür. «Adyrna» ūlttyq portaly
Ūqsas jaŋalyqtar
