نۇر-سۇلتان قالاسىنىڭ جاستار ساياساتى ماسەلەلەرى باسقارماسى تاپسىرىسىمەن "ۆولونتەرلىك باستامالاردى قولداۋ بويىنشا ءىس-شارالار كەشەنىن ۇيىمداستىرۋ جانە وتكىزۋ" جوباسى اياسىندا "ادىرنا" ۇلتتىق-ەتنوگرافيالىق بىرلەستىگى 300 000 ء(ۇش ءجۇز مىڭ) تەڭگە كولەمىندە شاعىن گرانتقا يە بولاتىن 22 جەڭىمپازعا كونكۋرس جاريالايدى.
كونكۋرس ماقساتى:
نۇر-سۇلتان قالاسىنىڭ 14-29 جاس ارالىعىنداعى ۆولونتەرلىك باستامالاردى قولعا الىپ جۇرگەن بەلسەندى جاستاردى انىقتاۋ;
كونكۋرس مىندەتتەرى:
- ەرىكتىلەر ينستيتۋتىن دامىتۋ;
- ۆولونتەر جاستاردىڭ الەۋمەتتىك جوبالارىن ىسكە اسىرۋعا قولداۋ كورسەتۋ;
- بەلسەندى جاستاردىڭ ۆولونتەرلىق باعىتتاعى ماسەلەلەرىن شەشۋگە جاردەمدەسۋ;
- جاستار بويىندا پاتريوتتىق سەزىمدى وياتىپ، ءوز ىسىنە سۇيىسپەنشىلىكپەن قاراۋعا باۋلۋ;
بايقاۋعا نۇر-سۇلتان قالاسىنىڭ 14-29 جاس ارالىعىنداعى بەلسەندى جاستارى قاتىسا الادى.
بايقاۋ مەرزىمى: 2020 جىلدىڭ 10 قىركۇيەك پەن 25 قىركۇيەك ارالىعى
جوبالار كەلەسى باعىتتار بويىنشا قابىلدانادى:
- ەكولوگيالىق اعارتۋ جۇمىستارى بويىنشا ۆولونتەرلىك جوبالار;
- وقۋشى، ستۋدەنت جاستار مەن الەۋمەتتىك توپتارعا ءبىلىم بەرۋگە باعىتتالعان جوبالار;
- بالالار جانە قارتتار ۇيىندەگى ادامداردى قولداۋعا باعىتتالعان جوبالار;
- مۇمكىندىگى شەكتەۋلى ادامداردى قولداۋعا باعىتتالعان جوبالار;
- مادەني-تاريحي مۇرانى ساقتاۋ جانە دامىتۋ، تاريحي ەسكەرتكىشتەردى، مادەني-مەموريالدىق كەشەندەردى قالپىنا كەلتىرۋ جانە ساقتاۋعا باعىتتالعان جوبالار;
- قۇقىق قورعاۋ جانە تابيعي، تەحنوگەندى سيپاتتاعى توتەنشە جاعدايلاردىڭ الدىن الۋ بويىنشا جوبالار;
- يننوۆاتسيالىق جوبالار;
- عىلىمي جاڭالىقتار;
- ينفورماتيكالىق باعدارلامالاۋ;
- بيزنەس يدەيالاردى ىسكە اسىراتىن جوبالار;
- ەكسپەديتسيالار مەن ەكسكۋرسيالار ۇيىمداستىرۋعا ارنالعان جوبالار;
- الەۋمەتتىك مادەني جانە سپورتتىق جوبالار;
- شىعارماشىلىق جانە قايىرىمدىلىق ءىس-شارالار
- قوعامنىڭ الەۋمەتتىك ماسەلەلەردى جاريالايتىن جۋرناليستتەر نەمەسە بلوگەرلەر;
- مەديتسينالىق باعىتتاعى جانە كارانتين كەزىندە ىسكە اسىرىلاتىن جوبالار;
- ادەبيەت پەن تىلگە قاتىستى جوبالار;
- جاستار بەلسەندىلىگىن دامىتۋعا ارنالعان جوبالار;
- باپقا ساي كەلەتىن باسقا باعىتتار.
كارانتين رەجيمى كۇشەيتىلگەن جاعدايدا جوبالار ونلاين/وفلاين فورماتتا جۇرگىزىلەدى.
وتىنىمدەر volonter_zhastar@bk.ru پوچتاسىنا جىبەرىلۋى ءتيىس.
بايقاۋ ەرەجەسى مەن وتىنىمدەردى وسى جەردەن (ەرەجە رۋس جانە ەرەجە قازاقشا) جۇكتەپ الا الاسىز.
"ادىرنا" ۇلتتىق پورتالى
