مۇحتار شەرىم: قوڭىز تەرىپ كەتپەسە...

487

ادامدار ءشوپ جەيتىن بولسا. قارنىمىز اشقاندا تاۋ بەتكەيلەرىنە جايىلىپ كەتسەك. جايىلا، جايىلا، كەتپەن تاۋعا جەتسەك. ءسويتىپ، قارنىمىزدىڭ اشقانىن نەتسەك... جايىلعاندا، مال سياقتى ەتپەتىمىزدەن جاتا كەتىپ، كۇتىرلەتىپ جەي بەرسەك.سونداعى اڭگىمەمىز بىلاي كەتەر ەدى.
–مەنىڭ ايەلىمدى كوردىڭىز بە؟
–جاڭا ارعى سايدا جايىلىپ جۇرگەن.
ء–بىر ءوزى مە، نە؟
–جوق، قاسىندا كلاستاس جىگىتتەر جايىلىپ جۇرگەن...
–و، وڭباعان، قانشا ايتامىن، بىرگە جايىلايىق دەپ، كەتىپ قالا بەرەدى...
ءبارىمىز جايىلاتىن بولساق... مينيسترلەر شۇرايلى جەرلەرگە جايىلادى ەكەن.
–ويباي، ول جاققا بارما!
–نەگە؟
–مينتسترلەر جايىلىپ ءجۇر.
–نەمەنە، قارا حالىق ادام ەمەس پە؟ شۇيگىن جەرلەرگە ولار جايىلادى، ال ءبىز تاستاق جەردە جايىلىپ ءجۇرمىز.
–جەكەشەلەندىرىپ العان عوي...
وسىلاي بولسا... قارىن سونشا اشا قويار ما ەدى؟ قىستىق ءشوبىمىزدى جيناپ الامىز. پرەستەپ. قۇدالارىمىزدى شاقىراتىن بولساق:
–قۇدەكە، جوڭىشقادان اۋىز تيسەڭىزشى؟
–جوق راحمەت، سيلوس جەپ جاتىرمىن.
–سابانننان جاسالعان سالات قالاي؟
–كەرەمەت ەكەن!
–قۇدەكە، ايلىعىڭىز ءشوپ ساتىپ الۋعا جەتە مە؟
–جەتكەندە قانداي!
وسىلاي، ادامدار تەك ءشوپ جەيتىن بولسا...
–قارىنداس، ايالدامادا نە جەپ تۇرسىز؟
–شوپتەن جاسالعان پەراشكي.
–تاۋعا شىعىپ، بىرگە جايىلىپ كەلسەك قايتەدى؟
–جوق، راحمەت، ساياباقتارداعى شوپكە جايىلىپ كەلدىم.
–اتىڭىز كىم؟
–جوڭىشقاگۇل،
–مەنىڭ اتىم سابانبەك.
–قۋانىشتىمىن.
وسىلاي ادامدار تەك ءشوپ جەيتىن بولسا... اكىمدەر دە...
–ويباي، قالانىڭ اكىمى ۇكىمەتتەن بولىنگەن بەس توننا ءشوپتى ءبىر ءوزى جەپ قويىپتى!
–قويشى؟
–ول قويشى ەمەس، اكىم عوي.
–قويشى؟
–قويشى ەمەس دەيمىن! قايداعى چابان؟
–قويشى؟
–اكىم دەيمىن، اكىم، اكىم.
ء–وي، مەن اشەيىن تاڭ قالىپ جاتىرمىن دەيمىن!
ادامدار وسىلاي تەك ءشوپ جەيتىن بولسا... سوندا دەيمىن، ايلىقتارىنا قىزىقپاس پا ەدى؟ايلىعى نايەتى قىرىق مىڭ تەڭگە بولسا دا، شوپكە جايىلىپ جۇرە بەرەر مە ەدى؟ ال، مينيسترلىكتەردەگى جاۋاپتى حاتشىلاردى پرەزيدەنت قاسىم-جومارت توقاەۆ ەلگە جولداۋىندا نەگە سىناپ تاستادى؟ ويتكەنى، ولاردىڭ ايلىقتارى 800-830 مىڭعا دەيىن ەكەن! نە دەگەن باتپان قۇيرىق، مينيسترلىكتەر الدىندا جاتقان قۇيرىق؟ ەندى ايلىقتارى التى ءجۇز مىڭ-اق بولىپ، شەنەۋنىكتەر قوڭىز تەرىپ كەتپەسە جارار ەدى!

مۇحتار شەرىمنىڭ قىشقىل ساتيراسى،

«ادىرنا» ۇلتتىق پورتالى

پىكىرلەر
رەداكتسيا تاڭداۋى