Adamdar shóp jeıtin bolsa. Qarnymyz ashqanda taý betkeılerine jaıylyp ketsek. Jaıyla, jaıyla, ketpen taýǵa jetsek. Sóıtip, qarnymyzdyń ashqanyn netsek... Jaıylǵanda, mal sııaqty etpetimizden jata ketip, kútirletip jeı bersek.Sondaǵy áńgimemiz bylaı keter edi.
–Meniń áıelimdi kórdińiz be?
–Jańa arǵy saıda jaıylyp júrgen.
–Bir ózi me, ne?
–Joq, qasynda klastas jigitter jaıylyp júrgen...
–O, ońbaǵan, qansha aıtamyn, birge jaıylaıyq dep, ketip qala beredi...
Bárimiz jaıylatyn bolsaq... Mınıstrler shuraıly jerlerge jaıylady eken.
–Oıbaı, ol jaqqa barma!
–Nege?
–Mıntstrler jaıylyp júr.
–Nemene, qara halyq adam emes pe? Shúıgin jerlerge olar jaıylady, al biz tastaq jerde jaıylyp júrmiz.
–Jekeshelendirip alǵan ǵoı...
Osylaı bolsa... Qaryn sonsha asha qoıar ma edi? Qystyq shóbimizdi jınap alamyz. Prestep. Qudalarymyzdy shaqyratyn bolsaq:
–Qudeke, jońyshqadan aýyz tıseńizshi?
–Joq rahmet, sılos jep jatyrmyn.
–Sabannnan jasalǵan salat qalaı?
–Keremet eken!
–Qudeke, aılyǵyńyz shóp satyp alýǵa jete me?
–Jetkende qandaı!
Osylaı, adamdar tek shóp jeıtin bolsa...
–Qaryndas, aıaldamada ne jep tursyz?
–Shópten jasalǵan perashkı.
–Taýǵa shyǵyp, birge jaıylyp kelsek qaıtedi?
–Joq, rahmet, saıabaqtardaǵy shópke jaıylyp keldim.
–Atyńyz kim?
–Jońyshqagúl,
–Meniń atym Sabanbek.
–Qýanyshtymyn.
Osylaı adamdar tek shóp jeıtin bolsa... Ákimder de...
–Oıbaı, qalanyń ákimi úkimetten bólingen bes tonna shópti bir ózi jep qoıypty!
–Qoıshy?
–Ol qoıshy emes, ákim ǵoı.
–Qoıshy?
–Qoıshy emes deımin! Qaıdaǵy chaban?
–Qoıshy?
–Ákim deımin, ákim, ákim.
–Óı, men ásheıin tań qalyp jatyrmyn deımin!
Adamdar osylaı tek shóp jeıtin bolsa... Sonda deımin, aılyqtaryna qyzyqpas pa edi?Aılyǵy náıeti qyryq myń teńge bolsa da, shópke jaıylyp júre berer me edi? Al, mınıstrlikterdegi jaýapty hatshylardy prezıdent Qasym-Jomart Toqaev elge joldaýynda nege synap tastady? Óıtkeni, olardyń aılyqtary 800-830 myńǵa deıin eken! Ne degen batpan quıryq, mınıstrlikter aldynda jatqan quıryq? Endi aılyqtary alty júz myń-aq bolyp, sheneýnikter qońyz terip ketpese jarar edi!
Muhtar Sherimniń qyshqyl satırasy,
«Adyrna» ulttyq portaly
