ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك ساقتاندىرۋ، بازالىق الەۋمەتتىك جانە زەينەتاقى قامسىزداندىرۋ دەپارتامەنتىنىڭ ديرەكتورى ۆيكتوريا شەگاي زەينەتاقى جيناعىنان شەكتى مولشەردەن اسقان اقشانى الۋ جونىندە تومەندەگىدەي جاڭا اقپاراتتارمەن ءبولىستى دەپ حابارلايدى Adyrna.kz سايتى Dauletten.kz-كە سىلتەمە جاساپ.
زەينەتاقى جيناعىن كامىلەتكە تولعان ازاماتتار الا المايدى. زەينەتاقى مولشەرى شەكتى سومادان اسىپ جاتقان جاعدايدا عانا 20 جاستان باستاپ الۋعا رۇقسات ەتىلگەن;
اتا-انالار بالاسىن باسپانالى ەتۋگە زەينەتاقىسىنىڭ ءبىر بولىگىن ارناي الادى. سونداي-اق ءتيىستى قۇجاتتاردى وتكىزۋ ارقىلى زەينەتاقىنى ۇيگە جوندەۋ جۇمىستارىن جۇرگىزۋگە دە قولدانۋعا بولادى;
اقشانى قولما-قول الۋعا بولمايدى. قارجىنىڭ ماقساتتى تۇردە جۇمسالۋىنا مۇمكىندىك بەرەتىن بىرىڭعاي وپەراتورلار بولادى. مىسالى، تۇرعىن ءۇي قۇرىلىس جيناق بانكى بىرىڭعاي وپەراتور بولىپ سانالادى، ول ارقىلى قارجىنى باسپانالى بولۋعا جۇمساۋعا بولادى.
