Eńbek jáne halyqty áleýmettik qorǵaý mınıstrligi Áleýmettik saqtandyrý, bazalyq áleýmettik jáne zeınetaqy qamsyzdandyrý departamentiniń dırektory Vıktorııa Shegaı zeınetaqy jınaǵynan shekti mólsherden asqan aqshany alý jóninde tómendegideı jańa aqparattarmen bólisti dep habarlaıdy Adyrna.kz saıty Dauletten.kz-ke silteme jasap.
Zeınetaqy jınaǵyn kámiletke tolǵan azamattar ala almaıdy. Zeınetaqy mólsheri shekti somadan asyp jatqan jaǵdaıda ǵana 20 jastan bastap alýǵa ruqsat etilgen;
Ata-analar balasyn baspanaly etýge zeınetaqysynyń bir bóligin arnaı alady. Sondaı-aq tıisti qujattardy ótkizý arqyly zeınetaqyny úıge jóndeý jumystaryn júrgizýge de qoldanýǵa bolady;
Aqshany qolma-qol alýǵa bolmaıdy. Qarjynyń maqsatty túrde jumsalýyna múmkindik beretin biryńǵaı operatorlar bolady. Mysaly, Turǵyn úı qurylys jınaq banki biryńǵaı operator bolyp sanalady, ol arqyly qarjyny baspanaly bolýǵa jumsaýǵa bolady.
