«تاراز» فۋتبول كلۋبىنىڭ ويىنشىلارى قازاقستان ۇلتتىق قۇراماسىنىڭ مۇشەسى عافۋرجان سۇيىمباەۆتىڭ بەلارۋس قۇراماسىمەن وتكەن ءساتسىز ويىنىنا تۇسىنىستىكپەن قاراپ، قولداۋ كورسەتۋگە شاقىردى.
«قادىرلى فۋتبول جانكۇيەرلەرى! ۇلتتىق قۇراما ويىنشىسى گافۋرجان سۇيىمباەۆتىڭ جاعدايىنا تۇسىنىستىكپەن قاراۋعا شاقىرامىز. بەلارۋسسيا قۇراماسىنا قارسى ويىندا جىبەرىلگەن قاتەلىك ويىنداعى ءساتسىز ەپيزود بولىپ تابىلادى. فۋتبولدا مۇنداي جاعدايلارعا ءتىپتى ۇلى ويىنشىلار دا تاپ بولىپ، سپورتتىڭ بارلىق ءتۇرى بويىنشا الەمدىك ليگالاردا ورىن الىپ جاتادى. بىراق شەكسىز سىناي بەرۋگە سەبەپ ەمەس. گافۋرجان سۇيىمباەۆ ۇلتتىق قۇراما ساپىندا ءوز ورنىن لايىقتى العان جانە ويىن مانەرى قالىپتاسىپ، ءوزىنىڭ پايدالى ويىنشى ەكەندىگىن دالەلدەپ كەلەدى. ليتۆامەن بولعان ماتچتا قاپتالمەن دوپتى الىپ ءوتىپ، ءبىرىنشى گول سوعىلاتىن ساتتە باۋىرجان يسلامحانعا ادەمى پاس جەتكىزگەن وسى گافۋرجان بولاتىن. ودان كەيىن سيرگەداستىڭ سوققىسىنا توسقاۋىل بولىپ، ەسەپتى تەڭەستىرىپ كەتەتىن جاعدايدان امان الىپ قالدى. وزگە دە ساتتەردە جاقسى ويناپ، ۇلتتىق قۇرامانىڭ جەڭىسىنە ايتارلىقتاي ءوز ۇلەسىن قوستى!
قۇرمەتتى فۋتبول جانكۇيەرلەرى! عافۋرجانعا قاتىستى پىكىرلەرىڭىز ۇلتتىق قۇراماعا دەگەن جاناشىرلىقپەن جانە ەموتسياعا بەرىلىپ ايتىلىپ جاتىر دەپ تۇسىنەمىز. دەگەنمەن شىنايى تۇسىنىستىكپەن قابىلداپ، قولداۋ بىلدىرۋگە شاقىرامىز! ۇلتتىق قۇرامالار كەزدەسۋلەرىندە وڭاي ويىندار بولمايدى. ەۆروپالىق دەڭگەيدەگى شەبەرلىگى تولىسىپ جاتقان كوماندالارمەن ويناۋعا تۋرالى كەلەدى. مۇنداي ماتچتاردا جۇيكە سىر بەرىپ جاتادى. بىراق ءاربىر فۋتبولشى ۇلتتىق قۇرامادا ۇلكەن جاۋاپكەرشىلىك بارىن جەتە سەزىنەدى جانە جەتىستىككە جەتۋ ءۇشىن بارلىق كۇشتى جۇمسايدى.
بارلىعىمىز بىرلىگىمىزدى كورسەتىپ، گافۋرجاندى جانە قازاقستان ۇلتتىق قۇراماسىنا قولداۋ جاسايىق! ءبىزدىڭ قۇراماعا ءالى ۇلتتار ليگاسى تۋرنيرىندە ءوز توبىندا ءبىرىنشى ورىنعا تالاسادى!
قۇرمەتپەن، «تاراز» فۋتبول كلۋبىنىڭ باپكەرلىك قۇرامى مەن ويىنشىلارى
