«Taraz» fýtbol klýbynyń oıynshylary Qazaqstan ulttyq quramasynyń múshesi Ǵafýrjan Súıimbaevtyń Belarýs quramasymen ótken sátsiz oıynyna túsinistikpen qarap, qoldaý kórsetýge shaqyrdy.
«Qadirli fýtbol jankúıerleri! Ulttyq qurama oıynshysy Gafýrjan Súıimbaevtyń jaǵdaıyna túsinistikpen qaraýǵa shaqyramyz. Belarýssııa quramasyna qarsy oıynda jiberilgen qatelik oıyndaǵy sátsiz epızod bolyp tabylady. Fýtbolda mundaı jaǵdaılarǵa tipti uly oıynshylar da tap bolyp, sporttyń barlyq túri boıynsha álemdik lıgalarda oryn alyp jatady. Biraq sheksiz synaı berýge sebep emes. Gafýrjan Súıimbaev ulttyq qurama sapynda óz ornyn laıyqty alǵan jáne oıyn máneri qalyptasyp, óziniń paıdaly oıynshy ekendigin dáleldep keledi. Lıtvamen bolǵan matchta qaptalmen dopty alyp ótip, birinshi gol soǵylatyn sátte Baýyrjan Islamhanǵa ádemi pas jetkizgen osy Gafýrjan bolatyn. Odan keıin Sırgedastyń soqqysyna tosqaýyl bolyp, esepti teńestirip ketetin jaǵdaıdan aman alyp qaldy. Ózge de sátterde jaqsy oınap, ulttyq quramanyń jeńisine aıtarlyqtaı óz úlesin qosty!
Qurmetti fýtbol jankúıerleri! Ǵafýrjanǵa qatysty pikirlerińiz ulttyq quramaǵa degen janashyrlyqpen jáne emoııaǵa berilip aıtylyp jatyr dep túsinemiz. Degenmen shynaıy túsinistikpen qabyldap, qoldaý bildirýge shaqyramyz! Ulttyq quramalar kezdesýlerinde ońaı oıyndar bolmaıdy. Evropalyq deńgeıdegi sheberligi tolysyp jatqan komandalarmen oınaýǵa týraly keledi. Mundaı matchtarda júıke syr berip jatady. Biraq árbir fýtbolshy ulttyq quramada úlken jaýapkershilik baryn jete sezinedi jáne jetistikke jetý úshin barlyq kúshti jumsaıdy.
Barlyǵymyz birligimizdi kórsetip, Gafýrjandy jáne Qazaqstan ulttyq quramasyna qoldaý jasaıyq! Bizdiń quramaǵa áli Ulttar lıgasy týrnırinde óz tobynda birinshi orynǵa talasady!
Qurmetpen, «Taraz» fýtbol klýbynyń bapkerlik quramy men oıynshylary
