پاندەميا قانداي كەلەڭسىزدىكتەردىڭ بەتىن اشتى؟

3016
Adyrna.kz Telegram

جاپپاي بەلەڭ العان كوروناۆيرۋس ىندەتى  قازاق قوعامىن قاجىتىپ جىبەرگەنى راس. «ادىرنا» ءتىلشىسى ءتۇرلى سالاداعى مامانداردان كوروناۆيرۋستىڭ قوعامعا تيگىزگەن زيانى مەن پايداسى، ساباق الار تۇسى تۋرالى سۇراۋ سالىپ كوردى.

ءومىر شىنىبەكۇلى، «زياتكەر-ۇستاز» قوعامدىق بىرلەستىگىنىڭ جەتەكشىسى:

-ارينە، كوروناۆيرۋستەن قايتىس بولعان ادامدار ەسكە تۇسكەندە پايداسى تۋرالى ايتۋ كۇپىرلىك بولار ەدى. بىراق، پاندەميا الەمدى عانا ەمەس، ءبىزدىڭ ەلىمىزدى دە بۇرىن ەلەۋسىز بولعان كەلەڭسىزدىكتەردى جارىققا شىعاردى. بىرىنشىدەن، ادامدار قىرىلىپ جاتسا دا، تەك باس پايداسىن ويلايتىن ادامدار بارشىلىق ەكەنىن بىلدىك. ونداي ادامدار ءتىپتى گيپپوكرات انتىن تاپسىرعان مەديتسينالىق تقىزمەتكەرلەر اراسىندل دا جەتەرلىك ەكەن.. ەكىنشىدەن، ماقتاۋلى دەگەن #تسيفرلىقازاقستان باعدارلاماسى بويىنشا جۇمىستار تولىق اتقارىلماعانىن بىلدىك. ۇشىنشىدەن، ازاماتتار قىرىلىپ جاتسا دا «ءبارى كەرەمەت» دەپ تۇرعىنداردى الدايتىن جۋرناليستەر مەن ناسيحاتشىلار بار ەكەنىن بىلدىك.. «وتكەنگە سالاۋات»، ەندى سودان ساباق الۋ كەرەك..

امانگۇل ابىشەۆا، زاڭگەر:

-بيلىك وكىلدەرىندە دايىندىق از بولدى. ءدارى-دارمەك جوقتىڭ قاسى حالىق قينالدى. ىندەتتىڭ قوعامعا پايداسى ءتيدى دەگەنىمىز ۇياتتاۋ بولار. ءبىراز جانداردان ايرىلدىق.

نۇرلان بايشين، اكتەر:

-ساقتىق شارالاردى ساقتاۋدى، شاشىلىپ توي جاساۋعا بولمايتىنىن،  ەل ازاماتتارىنىڭ قوعامعا بەي-جاي قاراۋعا بولمايتىنىن ۇيرەتتى. ال زيانى شاش ەتەكتەن.

ەركىن قازىبەك، اسابا

كوروناۆيرۋستى سىلتاۋراتىپ ءبىزدى نانىمىزدان ايىردى. سول تويدان جالعىز مەن ەمەس انشىلەر، فوتو-ۆيدەو جاساۋشىلار، بيشىلەر، اسپازدار مەن داياشىلار تابىستارىنان ايرىلدى. قازىر جۇمىسسىزدار سانى ارتىپ وتىر، ەندى قالاي كۇن كورمەكپىز؟.

انار تاستانبەكوۆا،  الماتى قالاسى يندۋستريالدى ايماعىنىڭ PR مامانى:

-ءوزىم كوروناۆيرۋس ينفەكتسياسىن جۇقتىرىپ الىپ، شىلدە ايىندا شاماسى 15-16 كۇن اۋرۋحانادا بولدىم. مەنى ءبىرىنشى گبسنپ - عا (بولنيتسا سكوروي پوموشي) ورنالاستىرىپ، سودان كەيىن پتسر پولوجيتەلنىي بوپ شىققاندا، «تسەنتر فتيزوپۋلمونولوگي» دەگەن اۋرۋحاناعا اۋىستىردى. جالپى ەمدەۋ شارالارى دۇرىس بولعاندىقتان، ءوز-ءوزىمدى جاقسى سەزىنىپ، ءوز قالپىما كەلگەندىكتەن مەن ەكىنشى اپتانىڭ ورتاسىندا جازىلىپ شىقتىم. ءبىزدىڭ دارىگەرلەنرگە العىسىم شەكسىز. تەز ارادا بارلىق مەديتسينالىق كومەگىن كورسەتىپ، مەن سەكىلدى كوۆيدپەن اۋىرىپ جاتقان كوپ ادامداردى قۇتقاردى. اۋەلى پايداسىن ايتايىن. مىسالى، وتباسىمەن يزولياتسيادا 1-2 اي بولعاندا، بالالارمەن كۇنى بويى ۇيدە وتىرعاندا، وتباسىمىز بىرىگىپ، جاڭا ادىستەر پايدا بولدى. بۇرىن وعان قول تيمەي بالالارعا قارايتىن ۋاقىت تا بولمادى. زيانى – مەنىڭ تانىستارىم جاقىن تۋىستارىم اۋىرىپ، ءبىرازى دۇنيەدەن وزدى. وكىنىشكە وراي، كوپ اۋرۋلار قازا بولىپ، حالىق اراسىندا ۇلكەن قايعى بولدى. كوۆيد بىزگە ۇلكەن ساباق بولىپ، تالاي سيستەمالاردىڭ دۇرىس ىستەمەۋىن (مەديتسينا، پوپيتسيا، كاسىپكەرلىك دامۋ، ءبىلىم) سالاسىندا ناقتى كورسەتتى. مىسالى، مەنىڭ كوپ جاقىندارىما اۋرۋحانالاردا ورىن بولماي، وزدەرى ەم الامىز دەپ كوروناۆيرۋس ينفەكتسياسىن ەمدەي الماي قاتتى قينالدى. مۇمكىن اۋرۋحانالاردا بوس ورىن بولعاندا، مەديكتەر سانى كوپ بولعان جاعدايدا، كوپ ازاماتتارىمىزدى ساقتاي الاتىن ەدىك.

ءبىر جاماندىقتىڭ ءبىر جاقسىلىعى بار دەمەكشى بۇل ىندەتتەن كەيىن ەلىمىز جاقسى جاققا وزگەرەرىنە سەنەيىك.

                                                                              گۇلۆيرا اسقار

                                                                             «ادىرنا» ۇلتتىق پورتالى

پىكىرلەر