جامبىل وبلىسىندا ورنالاسقان مەكتەپتەردىڭ اجەتحانالارىن رەتكە كەلتىرۋگە رەسپۋبليكالىق جانە جەرگىلىكتى بيۋدجەتتەن 1 ملرد استام قاراجات قارالعاندىعى تۋرالى حابارلايدى “ادىرنا” ۇلتتىق پورتالى TURANINFO اقپارات اگەنتتىگىنە سىلتەمە جاساپ.
28 تامىز كۇنى جامبىل وبلىستىق قوعامدىق كەڭەسىنىڭ كۇن تارتىبىنە ء“بىلىم سالاسىنا قوعامدىق موينتورينگ” جۇمىسى جۇرگىزىلدى. بۇل جۇمىستى توپ جەتەكشىسى رەتىندە جامبىل وبلىستىق قوعامدىق كەڭەستىڭ بيۋدجەت، قارجى جانە جەرگىلىكتى ءوزىن-ءوزى باسقارۋدى دامىتۋ، كاسىپكەرلىكتى قولداۋ ماسەلەلەرى جونىندەگى كوميسسياسىنىڭ حاتشىسى، “جامبىل وبلىسى جاستaار ۇيىمدارىنىڭ قاۋىمداستىعى” زاڭدى تۇلعاوھلار بىرلەستىگىنىڭ پرەزيدەنتى يسلامبەك داستان الەۋمەتتىك جەلىدەگى تىكەلەي ەفيرلەر ارقىلى جۇرگىزگەن بولاتىن.
ەفيرلەردى 25 مىڭنان استام كورەرمەن كوردى. اتالعان كوميسسيانىڭ حاتشىسى
وقۋشىلاردىڭ كەزەكشى سىنىپ پەن قاشىقتاي وقيتىنىن ايتا وتىرىپ، اۋىلداعى ينتەرنەت، مەكتەپتەگى ينتەرنەت، جاڭا وقۋ جىلىنا دايىندىق، وقۋشىلارعا كىتاپتار بەرىلۋ، ىشتەگى جانە دالاداعى اجەتحانالار زەردەلەدى. بۇعان سەبەپ تاراز قالاسىنداعى ورنالاسقان №6 ورتا مەكتەبىندەگى ورىن العان جاعداي. ويتكەنى ىشتەگى اجەتحانا جۇمىس ىستەپ تۇرسا دا، سىرتتاعى اجەتحانا جابىلماعان. سىرتتاعى اجەتحانا جابىلماي ىشتەگى اجەتحانالار تولىقتاي جۇمىس جاسامايدى.
مونيتورينگ بارىسىندا جاڭا وقۋ جىلىنا جامبىل اۋدانىنىڭ دايىندىعى جوعارى ەكەندىگى بايقالدى. جالپى جامبىل اۋدانى اكىمدىگىنىڭ ءبىلىم ءبولىمى تاراپىنان جۇمىس دۇرىس جولعا قويىلعان. پاندەمياعا قارسى بارلىق ساقتىق شارالاردى ەسكەرە مەكتەپتەردە تولىق جابدىقتارمەن جابدىقتاعان، مەكتەپ اجەتحانالارى تالاپقا ساي جاساقتالىپ، مەكتەپ عيماراتىنا ورنالاستىرىلعان. مەكتەپ وقۋشىلارىنا ءداستۇرلى ءبىلىم الۋىنا تولىق جاعداي جاسالعان.
وتىرىستا ارنايى جامبىل وبلىسى اكىمدىگىنىڭ ءبىلىم باسقارماسىنىڭ باسشىسى گۇلنار حودجابەرگەنوۆا بايانداما جاسادى. بايانداما دا مامىر ايىنان بەرى مەكتەپتەردىڭ كۇردەلى جوندەۋ جۇمىستارى، اجەتحانالاردى ىشكە كىرگىزۋ جۇمىستارى تۋرالى ماسەلە كوتەرىلىپ كەلەدى. وبلىس اكىمىنىڭ اپپاراتتىق جيىنىندا اۋدانداردىڭ بارلىعى مەرزىمدە بىتەدى دەگەن اقپاراتتى بەرەدى. شىن مانىندە جاعداي ونداي ەمەس. جاۋاپتى ماماندار جۇمىستى ءالى كۇنگە دەيىن بىتىرە الماۋدا. قازىر رەسپۋبليكا كولەمىندە ءبىلىم جانە عىلىم مينيستىرلىگىندە قارالۋدا. ءبىزدىڭ وبلىس ەڭ سوڭىندا كەلە جاتىر. وبلىستا 184 مەكتەپتە وقۋشىلار ءداستۇرلى تۇردە وقيدى. سوندا ەكى كۇننەن سوڭ بالالاردى قايدا وقىتامىز. بايزاق اۋدانىندا ەكى مەكتەپ، ءبىرىنشى قىركۇيەككە اياقتالادى دەپ وتىر. جامبىل اۋدانى، تولىقتاي ءبىتتى. جۋالى اۋدانىندا ون ەكى مەكتەپتە بىتپەگەن. بەسەۋى ءبىرىنشى قىركۇيەكتە، جەتەۋى ونىنشى قىركۇيەكتە اياقتالادى دەپ جوسپارلانعان. ول جەتى مەكتەپتىڭ بالالارى قايدا دارەتكە بارادى؟ سىرتتاعى دارەتحاناعا بارۋعا تىيىم سالىندى.
جەرگىلىكتى اكىمدىك باسشىدان كەيىن ءبىلىم سالاسىنا باقىلاۋ دەپارتامەنتىنىڭ باسشىسى دامەش ۋسكۋمباەۆا ءسوز الدى.
— ءبىلىم بولىمدەرى مەن مەكتەپتەر دۇرىس مالىمەت بەرۋ كەرەك. بۇرىن قاراجات جوق دەپ ايتۋشى ەدى، بيىل بىزگە توبەدەن قۇيىپ بەردى. قاراجاتتى دۇرىس جۇمساپ، ۋاقىتىلى پايدالانۋ ول بۇگىنگى قوعامنىڭ ماسەلەسى،-دەدى دامەش شايحىقىزى.
مەكتەپتەردەگى اجەتحانالارعا رەسپۋبليكالىق بيۋدجەتتەن 574 ملن تەڭگە، جەرگىلىكتى بيۋدجەتتەن 546 ملن تەڭگە قاراجات بولىنگەن. سونىڭ وزىندە اجەتحانالاردىڭ ەسىكتەرى مەن “پەرەگورودكالارى” قارالماعاندىعى ۇلكەن سۇراق تۋىنداتتى.
وتىرىستىڭ قورىتىندىسى رەتىندە قوعامدىق كەڭەس توراعاسى سەمبەك سەيدازيموۆ دايىندالعان قاراردى قابىلداۋدى ۇسىندى. وندا مەكتەپتەردەگى كۇردەلى جانە اعىمداعى جوندەۋ جۇمىستارى، تازالىق-سانيتارلىق نىسانداردى ورنالاستىرۋ، كارانتيندىك تالاپتاردى ساقتاي وتىرىپ “كەزەكشى سىنىپتار” جۇمىسىن ۇيىمداستىرۋ بەلگىلەنگەن مەرزىمىنەن كەشىكتىرىلمەسىن دەلىنگەن. سونداي-اق وبلىس اكىمدىگى ءبىلىم باسقارماسىنىڭ ەسەبى مەن جەرگىلىكتى مەملەكەتتىك جانە ءوزىن-ءوزى باسقارۋ ورگاندارىنىڭ ساياسي-ۇيىمداستىرۋشىلىق جۇمىستارى اشىقتىق پەن جاريالىلىق تۇرعىسىنان قاناعاتتانارلىق دەپ تانىلسىن، پيلوتتىق ايماق رەتىندە تاراز قالاسىنان “قاۋىپسىز مەكتەپ” جانە “ادال ۇستاز” جوبالارى باستاۋ السىن. ونىڭ نەگىزگى پرينتسيپتەرى – ۇستازداردىڭ جۇمىسقا پاراسىز قابىلدانۋىنا، بالالاردىڭ مەكتەپتەگى قاۋىپسىزدىگىنە جاعداي جاساۋ ماسەلەلەرى دە قاراستىرىلعان.
