Jambyl oblysynda ornalasqan mektepterdiń ájethanalaryn retke keltirýge respýblıkalyq jáne jergilikti bıýdjetten 1 mlrd astam qarajat qaralǵandyǵy týraly habarlaıdy “Adyrna” ulttyq portaly TURANINFO aqparat agenttigine silteme jasap.
28 tamyz kúni Jambyl oblystyq Qoǵamdyq keńesiniń kún tártibine “Bilim salasyna qoǵamdyq moıntorıng” jumysy júrgizildi. Bul jumysty top jetekshisi retinde Jambyl oblystyq Qoǵamdyq keńestiń bıýdjet, qarjy jáne jergilikti ózin-ózi basqarýdy damytý, kásipkerlikti qoldaý máseleleri jónindegi komıssııasynyń hatshysy, “Jambyl oblysy jastaar uıymdarynyń Qaýymdastyǵy” zańdy tulǵaohlar birlestiginiń prezıdenti Islambek Dastan áleýmettik jelidegi tikeleı efırler arqyly júrgizgen bolatyn.
Efırlerdi 25 myńnan astam kórermen kórdi. Atalǵan komıssııanyń hatshysy
oqýshylardyń kezekshi synyp pen qashyqtaı oqıtynyn aıta otyryp, aýyldaǵy ınternet, mekteptegi ınternet, jańa oqý jylyna daıyndyq, oqýshylarǵa kitaptar berilý, ishtegi jáne daladaǵy ájethanalar zerdeledi. Buǵan sebep Taraz qalasyndaǵy ornalasqan №6 orta mektebindegi oryn alǵan jaǵdaı. Óıtkeni ishtegi ájethana jumys istep tursa da, syrttaǵy ájethana jabylmaǵan. Syrttaǵy ájethana jabylmaı ishtegi ájethanalar tolyqtaı jumys jasamaıdy.
Monıtorıng barysynda jańa oqý jylyna Jambyl aýdanynyń daıyndyǵy joǵary ekendigi baıqaldy. Jalpy Jambyl aýdany ákimdiginiń bilim bólimi tarapynan jumys durys jolǵa qoıylǵan. Pandemııaǵa qarsy barlyq saqtyq sharalardy eskere mektepterde tolyq jabdyqtarmen jabdyqtaǵan, mektep ájethanalary talapqa saı jasaqtalyp, mektep ǵımaratyna ornalastyrylǵan. Mektep oqýshylaryna dástúrli bilim alýyna tolyq jaǵdaı jasalǵan.
Otyrysta arnaıy Jambyl oblysy ákimdiginiń bilim basqarmasynyń basshysy Gúlnar Hodjabergenova baıandama jasady. Baıandama da mamyr aıynan beri mektepterdiń kúrdeli jóndeý jumystary, ájethanalardy ishke kirgizý jumystary týraly másele kóterilip keledi. Oblys ákiminiń apparattyq jıynynda aýdandardyń barlyǵy merzimde bitedi degen aqparatty beredi. Shyn máninde jaǵdaı ondaı emes. Jaýapty mamandar jumysty áli kúnge deıin bitire almaýda. Qazir respýblıka kóleminde bilim jáne ǵylym mınıstirliginde qaralýda. Bizdiń oblys eń sońynda kele jatyr. Oblysta 184 mektepte oqýshylar dástúrli túrde oqıdy. Sonda eki kúnnen soń balalardy qaıda oqytamyz. Baızaq aýdanynda eki mektep, birinshi qyrkúıekke aıaqtalady dep otyr. Jambyl aýdany, tolyqtaı bitti. Jýaly aýdanynda on eki mektepte bitpegen. Beseýi birinshi qyrkúıekte, jeteýi onynshy qyrkúıekte aıaqtalady dep josparlanǵan. Ol jeti mekteptiń balalary qaıda dáretke barady? Syrttaǵy dárethanaǵa barýǵa tyıym salyndy.
Jergilikti ákimdik basshydan keıin Bilim salasyna baqylaý departamentiniń basshysy Dámesh Ýskýmbaeva sóz aldy.
— Bilim bólimderi men mektepter durys málimet berý kerek. Buryn qarajat joq dep aıtýshy edi, bıyl bizge tóbeden quıyp berdi. Qarajatty durys jumsap, ýaqytyly paıdalaný ol búgingi qoǵamnyń máselesi,-dedi Dámesh Shaıhyqyzy.
Mektepterdegi ájethanalarǵa Respýblıkalyq bıýdjetten 574 mln teńge, jergilikti bıýdjetten 546 mln teńge qarajat bólingen. Sonyń ózinde ájethanalardyń esikteri men “peregorodkalary” qaralmaǵandyǵy úlken suraq týyndatty.
Otyrystyń qorytyndysy retinde qoǵamdyq keńes tóraǵasy sembek seıdazımov daıyndalǵan qarardy qabyldaýdy usyndy. Onda mektepterdegi kúrdeli jáne aǵymdaǵy jóndeý jumystary, tazalyq-sanıtarlyq nysandardy ornalastyrý, karantındik talaptardy saqtaı otyryp “kezekshi synyptar” jumysyn uıymdastyrý belgilengen merziminen keshiktirilmesin delingen. Sondaı-aq oblys ákimdigi bilim basqarmasynyń esebi men jergilikti memlekettik jáne ózin-ózi basqarý organdarynyń saıası-uıymdastyrýshylyq jumystary ashyqtyq pen jarııalylyq turǵysynan qanaǵattanarlyq dep tanylsyn, pılottyq aımaq retinde taraz qalasynan “qaýipsiz mektep” jáne “adal ustaz” jobalary bastaý alsyn. Onyń negizgi prınıpteri – ustazdardyń jumysqa parasyz qabyldanýyna, balalardyń mekteptegi qaýipsizdigine jaǵdaı jasaý máseleleri de qarastyrylǵan.
