مەلانيا ترامپ – اقش-تىڭ ءبىرىنشى حانىمى، 45-پرەزيدەنت دونالد ترامپتىڭ جارى. ول ءوزىنىڭ كيىم كيۋ ءستيلى مەن جۇرت الدىنداعى ءساتسىز سوزدەرىنىڭ ارقاسىندا ءجيى سىنعا الىنىپ جاتادى. ايتسە دە، ءبىرىنشى حانىمنىڭ 50 جاستا بولا تۇرىپ، 35-تەگىدەي جاس كورىنۋى تالايدى تاڭقالدىرادى.
- جەمىستەردىڭ پايداسى. مەلانيا جاستىعىن ساقتاۋ ءۇشىن ارنايى تاماقتانۋ راتسيونىن قاداعالاپ، ونى بۇلجىتپاي ورىندايدى. سونىڭ ءبىرى – كۇن سايىن كەم دەگەندە 7 جەمىس ءتۇرىن جەيدى. وسىلايشا، دارۋمەندەردىڭ قورىن تولىقتىرىپ، تاتتىگە دەگەن قۇمارلىقتى باسادى.
- قۇپيا رەتسەپت. ءاردايىم تەك «جەمىس جەۋ» ءداستۇرىن قايتالاي بەرمەۋ ءۇشىن مەلانيا ءتۇرلى سمۋزي، كوكتەيل جاساپ ىشەدى. ول ينتەرنەتتە ءوزى قولداناتىن رەتسەپتىلەردىڭ بىرىمەن بولىسكەن. كوكتەيل قۇرامىندا بالدىركوك، شپينات، كوكجيدەك، الما، ءسابىز، جاڭا سىعىلعان اپەلسين شىرىنى، كالورياسى از يوگۋرت، ءزايتۇن مايى، زىعىر تۇقىمى، ومەگا 3 جانە د دارۋمەنى بار. كوبىنە مەلانيانىڭ تاڭعى اسى وسىدان باستالادى.
- مەلانياعا نە ۇنامايدى. جەمىس پەن كوكونىستەردى كوپ تۇتىنۋ سەبەبى تۇسىنىكتى – دارۋمەندەردىڭ، ءدامنىڭ، قانتتى الماستىرۋدىڭ ءبىر ءتۇرى. الايدا، وعان ۇنامايتىن كوكونىستەر دە بار. پياز بەن بورىكگۇلدى (ارتيشوك) مۇلدە پايدالانبايدى.
شاشتىڭ، تەرىنىڭ جانە تىرناقتىڭ سۇلۋلىعىن ساقتاۋ ءۇشىن ءبىرىنشى حانىم ا، س جانە ە دارۋمەندەرىن پايدالانادى. بىراق مەلانيانىڭ ءوزى ارنايى ديەتانى ۇستانبايتىنىن، تەك دۇرىس تاماقتانۋعا تىرىساتىنىن ايتادى: «ماعان بالمۇزداق پەن شوكولاد ۇنايدى، كوڭىلىم قالاسا، تاتتىلەردەن باس تارتپايمىە. كومىرسۋلاردىڭ كوپ مولشەرى – بۇل قۋانىش سىيلايدى، اسىرەسە، دۇرىس تاماقپەن ۇيلەسكەندە».
سپورتقا كەلەتىن بولساق، ءبىرىنشى حانىم كۇن سايىن بىلەك سالماعىن كوتەرەتىن كارديو جاتتىعۋلارىمەن اينالىسادى. مەلانيا سپورتزالعا مۇلدەم قالاماسا دا بارادى. ول سونىمەن قاتار پيلاتەس پەن ۇلكەن تەننيستىڭ جانكۇيەرى.
فوتو اشىق دەرەككوزدەن الىندى
ايجان پەردەبەكقىزى،
«ادىرنا» ۇلتتىق پورتالى
