بۇگىن بالالىق شاعى بولماعان، جەكە ءومىرى بولماعان، باسى داۋدان ارىلماعان، جان دەرتى مەن ءتان دەرتىنەن ازاپ شەككەن، ميلليونداردى اۋزىنا قاراتىپ، تۇتاس مۋزىكا يندۋسترياسىنا ىقپال ەتكەن، ادامزات تاريحىنداعى ەڭ تابىستى ءارتىس رەتىندە گيننەس رەكوردتار كىتابىنا 25 رەت ەنگەن پوپ كورولى مايكل دجەكسوننىڭ تۋعان كۇنى. ءانشى بار بولعانى 51 جاسىندا كوز جۇمدى.
⠀
🔹 مايكلدىڭ اكەسى دجوزەف، شەشەسى كەترين دجەكسون. ۇيدەگى توعىز بالانىڭ جەتىنشىسى. بۇل توعىزدىڭ التاۋى ۇل، ۇشەۋى قىز. دجوزەف دجەكسون بالالارىنىڭ ءبارىن مۋزىكاعا باۋلىپ، جاستايىنان جۇلدىز بولۋعا دايىنداعان. بىراق ول الەمدەگى ەڭ جامان اكەلەردىڭ ءبىرى سانالادى. تاڭەرتەڭ بالالارىن تومپەشتەپ وياتىپ، بەلبەۋمەن ساباپ، ساحنادا ۇيالماي ونەر كورسەتۋ ءۇشىن تىر جالاڭاش شەشىندىرەتىن بولعان. مايكلدىڭ ءوزى ءبىر سۇحباتىندا «ءبىز ءان ايتقان كەزدە اكەم قولىنا بەلدىك ۇستاپ تۇراتىن، بىردەڭەنى دۇرىس ايتپاساق بەلدىك جۇمسالاتىن» دەيدى.
⠀
🔹 بەس ۇلىنان «The Jackson 5» اتتى توپ قۇراپ، گاسترولگە شىققاندا ۇلدارىنان جەڭىل ءجۇرىسىن دە جاسىرماعان. دجوزەفتىڭ كەتريننەن تۋعان توعىز بالاسىنان بولەك، نەكەسىز تۋعان تاعى ءبىر قىزى بار.
⠀
❗️ ءتىپتى مايكلدىڭ ءجاسوسپىرىم كەزىندە داۋىسىن ساقتاۋ ءۇشىن بەتىڭدەگى بورتپەگە قارسى ينەكتسيا سالامىز دەپ الداپ، گورمونالدى ءدارى-دارمەك ەككەنى، ءانشىنىڭ وسىلايشا حيميالىق كاستراتسياعا ۇشىراعانى تۋرالى كەزىندە تالاي شۋ شىققان.
⠀
🔹 ال مايكلدىڭ اپكەسى لا تويا ءبىر سۇحباتىندا اكەسىنىڭ ءوزىن جانە اپكەسىن زورلاعانىن دا ايتقان. بىراق بۇنى ءسىڭىلىسى دجانەت جوققا شىعارعان ەدى.
⠀
🔹 ۇيدەگى وسىنداي ۇرىپ-سوعۋ مەن قاتاڭ تاربيەنىڭ سالدارىنان مايكل مەن باۋىرلارىنىڭ ءبارى نەۆروزعا ۇشىراپ، ەسەيە كەلە ءبىرازىنىڭ اكەلەرىمەن قارىم-قاتىناسى بۇزىلادى. مايكل ولگەندە ءتىپتى اكەسىنە مۇرا قالدىرماعان. وسيەتىندە تەك شەشەسىن كورسەتكەن. مۇنى ەستىگەن اكەسى تۋعان ۇلىنىڭ مۇراسىن سوت ارقىلى بولىسۋگە تىرىسقانىمەن ودان تۇك شىقپايدى.
⠀
🔹 قالاي دەگەنمەن دە دجوزەف دجەكسون ءوز ماقساتىنا جەتكەن ادام. بۇكىل سەمياسى الەمگە تانىمال بولدى. ءار ۇلىندا 18 جاسقا تولعاندا جەكە جىلجىمايتىن مۇلىك پەن بانكتە جەتكىلىكتى قاراجاتى بولعان. وپرا ۋينفريعا بەرگەن سۇحباتىندا ۇلدارىن ۇرىپ-سوققانىنا ەش وكىنبەيتىنىن، ويتپەگەندە ولارعا يە بولا المايتىنىن ايتقان.
⠀
🔹 ال اناسى مايكلدى يەگوۆا كۋاگەرى رەتىندە تاربيەلەيدى. شەشەسى قانشا تارتسا دا، ءانشىنىڭ دىنگە ىقىلاسى بولماعان. 1984 جىلعا دەيىن ءانشى يەگوۆا كۋاگەرى رەتىندە ءتۇرلى كەزدەسۋلەرگە بارىپ، پاسحا مەن روجدەستۆونى، ءتىپتى ءوزىنىڭ تۋعان كۇنىن تويلاۋدان باس تارتادى. بىراق بۇل قوزعالىستىڭ وكىلدەرى ءانشىنىڭ ءومىر سالتىنا قارسى بولىپ، سوڭىندا ءانشى بۇل ۇيىمنان شىعىپ تىنادى.
⠀
🔹 ءوزىنىڭ بالالىق شاعى بولماعاننان كەيىن ءانشى ءوزىنىڭ ۇيىندە تۇتاس ءبىر زووباق ۇيىمداستىرىپ، بالالاردى ۇنەمى سوندا قوناققا شاقىرىپ وتىرعان. كوز جۇمعاننان كەيىن زووباعى قاراۋسىز قالىپ، ونداعى جانۋارلار جان-جاقتى كەزىپ كەتەدى. زووباعىندا پيتون، ەكى لاما، شيمپانزە بولعان.
⠀
‼️ وسى زووباققا كەلىپ جۇرگەن بىرنەشە بالا ءانشىنى وزدەرىنە جىنىستىق قىسىم كورسەتتى دەپ ايىپتايدى. ءتىپتى بىردە پوليتسيا مەن پروكۋرور فوتوگرافپەن بىرگە ءانشىنىڭ ۇيىنە جىنىس مۇشەسىن سۋرەتكە ءتۇسىرۋ ءۇشىن وردەر الىپ كەلگەن. قىسىم كوردىك دەگەن بالالاردىڭ سيپاتتاماسىن راستاۋ ءۇشىن. بىراق ءانشىنىڭ جىنىس مۇشەسى ايىپ تاققان بالا سيپاتتاعانداي بولماي شىققان. ءانشى سۇندەتتەلمەگەن. وسى وقيعا پسيحولوگيالىق سوققىنىڭ شارىقتاۋ شەگى بولىپ، ءانشى ابدەن تيتىقتاپ، جۇيكەسى سىر بەرەدى. قورعاۋشىلار مەن بالالاردىڭ اتا-اناسىنا قىرۋار قارجى تولەپ، شىعىنعا باتادى. بالالارعا نەشە رەت قىسىم كورسەتتى دەپ ايىپتالسا دا، سوتتىڭ ءبارى ءانشىنى اقتاپ شىققان. بىراق پوليتسيا ءانشىنىڭ ۇيىنە تەكسەرۋ جۇرگىزگەندە بالانىڭ مانەكەندەرى تابىلىپ، ونىڭ كەيبىرى ءبىر ءتۇرلى پوزالاردا جانە اشىق كيىمدەردە بولعان.
⠀
🔹 مايكل دجەكسوننىڭ تەرىسىن اۋىستىرعانىنا قاتىستى دا داۋ كوپ. سيرەك كەزدەسەتىن تەرى اۋرۋىنا (ۆيتيليگو) شالدىعىپ، بەتىنە بىرنەشە مارتە وتا جاساتادى. ال قولى مەن كەۋدەسىندەگى داقتار سول كۇيى قالعان.
⠀
♦️ جەكە ءومىرى: ءانشى العاش رەت 36 جاسىندا ليزا مارتيا پرەسليگە ۇيلەنەدى. ەكى جىلعا جەتپەي اجىراسقان ولاردا ورتاق بالا بولماعان.
ەكىنشى رەت مەدبيكە دەببي روۋعا ۇيلەنىپ، ودان ءبىر ۇل مەن ءبىر قىز تۋادى. ەرلى-زايىپتىلار ءۇش جىلدان كەيىن اجىراسىپ، بالالار ءانشىنىڭ وزىندە قالادى.
ال ءۇشىنشى بالاسى 2002 جىلى سۋرروگات انادان تۋعان. ءانشى قايتقاننان كەيىن بالالارىن كەترين دجەكسون قامقورلىعىنا الادى.
.
P.S.: ماتريتساسى كەرەمەت ۇيلەسىمدى ادام. توعىز سانىنىڭ تەك بىرەۋى – جەتىلىك قانا جوق. ەڭ جوعارعى مىڭدىق بەلگىلەرىنىڭ جانە ءۇش سەگىزدىكتىڭ «888» يەسى. شوۋدىڭ ادامى. ماقساتشىل. جۇلدىزى – ارىستان. ماتريتساسى مۇنداي ۇيلەسىمدى بولعان ادامنىڭ تاعدىرى تراگەديالى بولعانى ويعا قالدىرادى ەكەن...
⠀
اقبوتا ءƏبىلتاي،
“ادىرنا” ۇلتتىق پورتالى
