Búgin balalyq shaǵy bolmaǵan, jeke ómiri bolmaǵan, basy daýdan arylmaǵan, jan derti men tán dertinen azap shekken, mıllıondardy aýzyna qaratyp, tutas mýzyka ındýstrııasyna yqpal etken, adamzat tarıhyndaǵy eń tabysty ártis retinde Gınnes rekordtar kitabyna 25 ret engen pop koroli Maıkl Djeksonnyń týǵan kúni. Ánshi bar bolǵany 51 jasynda kóz jumdy.
⠀
🔹 Maıkldyń ákesi Djozef, sheshesi Ketrın Djekson. Úıdegi toǵyz balanyń jetinshisi. Bul toǵyzdyń altaýy ul, úsheýi qyz. Djozef Djekson balalarynyń bárin mýzykaǵa baýlyp, jastaıynan juldyz bolýǵa daıyndaǵan. Biraq ol álemdegi eń jaman ákelerdiń biri sanalady. Tańerteń balalaryn tómpeshtep oıatyp, belbeýmen sabap, sahnada uıalmaı óner kórsetý úshin tyr jalańash sheshindiretin bolǵan. Maıkldyń ózi bir suhbatynda «Biz án aıtqan kezde ákem qolyna beldik ustap turatyn, birdeńeni durys aıtpasaq beldik jumsalatyn» deıdi.
⠀
🔹 Bes ulynan «The Jackson 5» atty top qurap, gastrolge shyqqanda uldarynan jeńil júrisin de jasyrmaǵan. Djozeftiń Ketrınnen týǵan toǵyz balasynan bólek, nekesiz týǵan taǵy bir qyzy bar.
⠀
❗️ Tipti Maıkldyń jasóspirim kezinde daýysyn saqtaý úshin betińdegi bórtpege qarsy ınekııa salamyz dep aldap, gormonaldy dári-dármek ekkeni, ánshiniń osylaısha hımııalyq kastraııaǵa ushyraǵany týraly kezinde talaı shý shyqqan.
⠀
🔹 Al Maıkldyń ápkesi La Toııa bir suhbatynda ákesiniń ózin jáne ápkesin zorlaǵanyn da aıtqan. Biraq buny sińilisi Djanet joqqa shyǵarǵan edi.
⠀
🔹 Úıdegi osyndaı uryp-soǵý men qatań tárbıeniń saldarynan Maıkl men baýyrlarynyń bári nevrozǵa ushyrap, eseıe kele birazynyń ákelerimen qarym-qatynasy buzylady. Maıkl ólgende tipti ákesine mura qaldyrmaǵan. Ósıetinde tek sheshesin kórsetken. Muny estigen ákesi týǵan ulynyń murasyn sot arqyly bólisýge tyrysqanymen odan túk shyqpaıdy.
⠀
🔹 Qalaı degenmen de Djozef Djekson óz maqsatyna jetken adam. Búkil semıasy álemge tanymal boldy. Ár ulynda 18 jasqa tolǵanda jeke jyljymaıtyn múlik pen bankte jetkilikti qarajaty bolǵan. Opra Ýınfrıǵa bergen suhbatynda uldaryn uryp-soqqanyna esh ókinbeıtinin, óıtpegende olarǵa ıe bola almaıtynyn aıtqan.
⠀
🔹 Al anasy Maıkldy Iegova kýágeri retinde tárbıeleıdi. Sheshesi qansha tartsa da, ánshiniń dinge yqylasy bolmaǵan. 1984 jylǵa deıin ánshi Iegova kýágeri retinde túrli kezdesýlerge baryp, Pasha men Rojdestvony, tipti óziniń týǵan kúnin toılaýdan bas tartady. Biraq bul qozǵalystyń ókilderi ánshiniń ómir saltyna qarsy bolyp, sońynda ánshi bul uıymnan shyǵyp tynady.
⠀
🔹 Óziniń balalyq shaǵy bolmaǵannan keıin ánshi óziniń úıinde tutas bir zoobaq uıymdastyryp, balalardy únemi sonda qonaqqa shaqyryp otyrǵan. Kóz jumǵannan keıin zoobaǵy qaraýsyz qalyp, ondaǵy janýarlar jan-jaqty kezip ketedi. Zoobaǵynda pıton, eki lama, shımpanze bolǵan.
⠀
‼️ Osy zoobaqqa kelip júrgen birneshe bala ánshini ózderine jynystyq qysym kórsetti dep aıyptaıdy. Tipti birde polıııa men prokýror fotografpen birge ánshiniń úıine jynys múshesin sýretke túsirý úshin order alyp kelgen. Qysym kórdik degen balalardyń sıpattamasyn rastaý úshin. Biraq ánshiniń jynys múshesi aıyp taqqan bala sıpattaǵandaı bolmaı shyqqan. Ánshi súndettelmegen. Osy oqıǵa psıhologııalyq soqqynyń sharyqtaý shegi bolyp, ánshi ábden tıtyqtap, júıkesi syr beredi. Qorǵaýshylar men balalardyń ata-anasyna qyrýar qarjy tólep, shyǵynǵa batady. Balalarǵa neshe ret qysym kórsetti dep aıyptalsa da, sottyń bári ánshini aqtap shyqqan. Biraq polıııa ánshiniń úıine tekserý júrgizgende balanyń manekenderi tabylyp, onyń keıbiri bir túrli pozalarda jáne ashyq kıimderde bolǵan.
⠀
🔹 Maıkl Djeksonnyń terisin aýystyrǵanyna qatysty da daý kóp. Sırek kezdesetin teri aýrýyna (vıtılıgo) shaldyǵyp, betine birneshe márte ota jasatady. Al qoly men keýdesindegi daqtar sol kúıi qalǵan.
⠀
♦️ Jeke ómiri: ánshi alǵash ret 36 jasynda Lıza Martıa Preslıge úılenedi. Eki jylǵa jetpeı ajyrasqan olarda ortaq bala bolmaǵan.
Ekinshi ret medbıke Debbı Roýǵa úılenip, odan bir ul men bir qyz týady. Erli-zaıyptylar úsh jyldan keıin ajyrasyp, balalar ánshiniń ózinde qalady.
Al úshinshi balasy 2002 jyly sýrrogat anadan týǵan. Ánshi qaıtqannan keıin balalaryn Ketrın Djekson qamqorlyǵyna alady.
.
P.S.: Matrıasy keremet úılesimdi adam. Toǵyz sanynyń tek bireýi – jetilik qana joq. Eń joǵarǵy myńdyq belgileriniń jáne úsh segizdiktiń «888» ıesi. Shoýdyń adamy. Maqsatshyl. Juldyzy – Arystan. Matrıasy mundaı úılesimdi bolǵan adamnyń taǵdyry tragedııaly bolǵany oıǵa qaldyrady eken...
⠀
Aqbota ƏBILTAI,
“Adyrna” ulttyq portaly
