الماتى قالاسىن سۋمەن قامتۋ بويىنشا بىرنەشە جوبا ىسكە اسىرىلۋدا

2634
Adyrna.kz Telegram

الماتىدا سۋمەن قامتۋدىڭ جانە سۋدان ءبولۋدىڭ ينجەنەرلىك جەلىلەرىن سالۋ بويىنشا 33 جوبا ىسكە اسىرىلۋدا. قالا اكىمى ب. ساعىنتاەۆ  Akimat Live باعدارلاماسىنىڭ تىكەلەي ەفيرىندە قالاداعى ىقشام اۋدان تۇرعىندارىن سۋمەن قامتۋ جانە سۋدان ءبولۋدىڭ ورتالىقتانعان جۇيەسىنە قوسۋدى قامتاماسىز ەتۋ جونىندەگى جۇمىستار تۋرالى ايتتى. بۇل تۋرالى Almaty.tv. حابارلاعان بولاتىن.

قازاقستاندىق كومپانيا "ەنكو" جشس جىلۋ جانە سۋمەن قامتاماسىز ەتۋگە ارنالعان جابدىقتاردى وندىرۋگە جانە جەتكىزۋگە مامانداندىرىلعان. كاسىپورىن كارانتين كەزەڭىندە جۇمىسىن جالعاستىردى. قالا اكىمى باقىتجان ساعىنتاەۆتىڭ تاپسىرماسى بويىنشا، مەگاپوليستە قالا ماڭىن ورتالىق سۋمەن قامتاماسىز ەتۋ ءۇشىن كەشەندى جۇمىستار جۇرگىزىلىپ  اتاپ وتكەن ءجون. جاتقانىنبىرنەشە ىقشاماۋدانداردا سۋ قۇبىرى جانە كارىز جەلىلەرىنىڭ قۇرىلىس جۇمىستارى جۇرگىزىلۋدە.

كومپانيانىڭ ءوز ءوندىرىسى بار جانە 20-عا جۋىق ءونىم ءتۇرىن شىعارادى. ولاردىڭ ىشىندە بلوكتى جىلۋ پۋنكتتەرى، سورعىتاتىن ستانتسيالارى، جىلۋ الماستىرعىشتار، باسقارۋ شكافتارى، كوللەكتورلىق تاراتۋ توراپتارى، بالشىقتار جانە سۋدى جىلىتۋ قوندىرعىلارى بار.

بۇگىنگى كۇنى الاتاۋ اۋدانىنداعى سامعاۋ مەن اقبۇلاق ىقشام اۋدانىندا، مەدەۋ اۋدانىنا قاراستى دۋماندا، سونداي-اق المالى اۋدانىنداعى ارەنسكي كوشەسىندە (25-30 ءۇي) سۋمەن جابدىقتاۋ جانە سۋ بۇرۋدىڭ ينجەنەرلىك جەلىلەرىن جۇرگىزۋ بويىنشا جۇمىستار اياقتالدى. قازىر جەلىدە سۋدى ىسكە قوسۋ پروتسەسى ءجۇرىپ جاتىر (سىعىمداۋ، كەسۋ). تۇتىنۋشىلار «الماتى سۋ» مەكەمەسىمەن شارت جاساسىپ، جەلىلەرگە قوسىلۋى قاجەت.

جىل سوڭىنا دەيىن الاتاۋ اۋدانىنداعى شاپاعات، العاباس، وجەت ىقشام اۋدانىندا، بوستاندىق اۋدانىنا تيەسىلى كوكشوقى، مەدەۋ اۋدانى بويىنشا كولساي، تۇركسىبكە قاراستى قايرات جانە جەتىسۋ اۋدانىنداعى كەمەل ىقشام اۋدانى مەن قازىباەۆ كوشەسىندە (1 مىڭ ءۇي) سۋمەن جابدىقتاۋ جانە سۋ بۇرۋ بويىنشا ينجەنەرلىك جەلىلەردىڭ قۇرىلىسىن اياقتاۋ جوسپارلانۋدا. بۇلاردان وزگە، جىل سوڭىنا دەيىن الاتاۋ اۋدانىنداعى توميريس، شاڭىراق-2, ۇلجان-1 ىقشاماۋداندارىندا كارىزدىك سورعى ستانسالارىن (كسس) سالۋدى اياقتاۋ جوسپارلانعان.

وسىلايشا، الماتى تۇرعىندارىن سۋمەن قامتۋدىڭ ورتالىقتانعان جۇيەسىنە قوسۋ 98%-دى نەمەسە شامامەن 1 878 500 ادامدى قۇرايتىن بولادى.

نەگە كاسىپكەرلەر ءۇشىن الماتى قالاسىندا كاسىپورىن اشقان ءتيىمدى؟

يندۋستريالىق ايماق — جەكە كاسىپكەرلىككە مەملەكەتتىك قولداۋ كورسەتۋ ماقساتىندا قۇرىلعان جانە ءبىرىنشى كەزەكتە الماتى قالاسىندا ونەركاسىپتىڭ باسىم سالالارىن – ماشينا جاساۋ، تاماق، جەڭىل، فارماتسەۆتيكا، حيميا ونەركاسىبى مەن قۇرىلىس ماتەريالدارىن ءوندىرۋدى دامىتۋعا ارنالعان. بۇل رەتتە ونەركاسىپتىك كاسىپورىنداردى قالانىڭ تۇرعىن اۋداندارىنان كوشىرۋگە، تەحنولوگيالىق، يننوۆاتسيالىق ونىمدەر شىعارۋعا، يمپورتتى الماستىرۋعا باعىتتالعان ينۆەستيتسيالىق جوبالارعا باسىمدىق بەرىلەدى.

يندۋستريالدى ايماقتىڭ كاسىپورىندار ءۇشىن تارتىمدىلىعى بىرنەشە فاكتورلارعا بايلانىستى:

- ينجەنەرلىك ينفراقۇرىلىمنىڭ دايىندىعى: ەلەكترمەن جابدىقتاۋ، سۋمەن جابدىقتاۋ جانە كارىز وبەكتىلەرى، اۆتوموبيل بايلانىس جولدارى جانە تەمىرجول كىرمە جولدارى، ترانسپورتتىق-لوگيستيكالىق ورتالىق قازىردىڭ وزىندە اۋماقتا بار.

- ورنالاسقان جەرى، يندۋستريالدى ايماق الماتى قالاسىندا ورنالاسقان. بۇل قر-داعى ەڭ ءىرى ەڭبەك نارىعى مەن ونەركاسىپتىڭ كەز كەلگەن سالاسى ءۇشىن بىلىكتى مامانداردى تابۋعا مۇمكىندىك بەرەدى.

- قالانىڭ كەز كەلگەن جەرىنە كولىكپەن تەز جەتۋ قىزمەتى ىسكە اسىرىلدى.

- ەلدىڭ جانە شەتەلدىڭ كەز كەلگەن بولىگىنە لوگيستيكاعا قولجەتىمدىلىكتى قامتاماسىز ەتەتىن جەكە تەمىرجول ستانتسياسى بار.

 

اياۋلىم ءابىلدا

“ادىرنا” ۇلتتىق پورتالى

پىكىرلەر