الەۋمەتتىك قامسىزداندىرۋ-الەۋمەتتىك قورعاۋ جۇيەسىنىڭ حالىقتىڭ ەڭبەككە جارامسىز بولىگىنىڭ قاجەتتەرىن قاناعاتتاندىرۋعا جانە تۇرمىس جاعدايىن قولداۋعا نەگىزدەلگەن.
الەۋمەتتىك قامسىزداندىرۋعا قۇقىق قازاقستان رەسپۋبليكاسى كونستيتۋتسياسىنىڭ 28-بابىندا بەكىتىلگەن، بۇل باپقا سايكەس: “قازاقستان رەسپۋبليكاسىنىڭ ازاماتى جاسىنا كەلگەن، مۇگەدەك بولعان، اسىراۋشىسىنان ايىرىلعان جاعادايدا جانە وزگە دە زاڭدى نەگىزدەردە وعان ەڭ تومەنگى جالاقى مەن زەينەتاقى كولەمىندە، الەۋمەتتىك قامسىزداندىرىلۋىنا كەپىلدىك بەرىلەدى.
الەۋمەتتىك قامسىزداندىرۋدىڭ تۇرلەرى
مەملەكەتتىك الەۋمەتتىك قامسىزداندىرۋ كەلەسى تۇرلەردە جۇزەگە اسىرىلادى
- اقشا تولەمدەرى (زەينەتاقى، جاردەماقى، وتەماقى، ماتەريالدىق كومەك جانە ت.ب.);
- زاتتاي كومەك ء(دارى-دارمەك، ازىق تۇلىك، مۇگەدەكتەر ءۇشىن تەحنيكالىق كومەك قۇرالدارى);
- قىزمەت كورسەتۋ جانە جەڭىلدىكتەر (قارتتار جانە مۇگەدەكتەردىڭ ءۇي-ينتەرناتتارىنا، بالالار ۇيلەرىنە ورنالاستىرۋ، ۇيدە الەۋمەتتىك قىزمەت كورسەتۋ جانە ت.ب.);
- مۇگەدەكتەردىڭ ەمدەلۋىمەن، ساۋىعۋىمەن جانە دەنساۋلىعىن جاقسارتۋمەن (ستاتسيوناردا، ۇيدەن قاتىناپ ەمدەۋ ساناتوريلاردا، قارتتار جانە مۇگەدەكتەر ءۇشىن ارنالعان ءۇي-ينتەرناتتاردا);
- ازاماتتاردىڭ جەكەلەگەن ساناتتارىنا كومەك كورسەتۋدىڭ بىرجولعى اقشالاي جانە اقشالاي ەمەس تۇرلەرى);
اقشا قۇرالدارىنىڭ قاينار كوزىنە قاراي الەۋمەتتىك قامسىزداندىرۋدىڭ ەكى ءتۇرىن اجىراتۋعا بولادى
- مەملەكەتتىك جانە جەرگىلىكتى بيۋدجەت ەسەبىنەن جۇزەگە اسىرىلاتۆن مەملەكەتتىك الەۋمەتتىك قامسىزداندىرۋ;
- زەينەتاقى قورلارىنىڭ سالىمشىلارىنىڭ – زاڭدى جانە جەكە تۇلعالاردىڭ قاراجاتى ەسەبىنەن جۇزەگە اسىرىلاتىن مەملەكەتتىك ەمەس الەۋمەتتىك قامسىزداندىرۋ;
الەۋمەتتىك قامسىزداندىرۋدىڭ ەكونوميكالىق فۋنكتسياسى جاسىنا، ەڭبەككە قابىلەتتىگىنەن ايىرىلۋىنا نەمەسە اسىراۋشىسىنان ايىرىلۋىنا بايلانىستى جالاقىنى نەمەسە وزگە دە تابىستىڭ ورنىن تولتىرۋدان جانە تۇرمىس جاعدايى ناشار تۇلعالارعا كومەك كورسەتۋ.
الەۋمەتتىك قامسىزداندىرۋدىڭ الەۋمەتتىك فۋنكتسياسى الەۋمەتتىك قورعالماعان، وزگەنىڭ جاردەم كورسەتۋىنە مۇقتاج ازاماتتار ساناتتارىنا ولارعا قوسىمشا قارجى ءبولۋ جولىمەن كومەك كورسەتۋ.
الەۋمەتتىك قامسىزداندىرۋدىڭ ەڭبەك فۋنكتسياسى الەۋمەتتىك قامسىزداندىرۋدىڭ بارلىق تۇرلەرى ءۇشىن قارجىنىڭ قاينار كوزى بولىپ وسى قوعامداعى ەڭبەك قاتىناستارىنىڭ تابىلۋى.
الەۋمەتتىك قامسىزداندىرۋدىڭ ساۋىقتىرۋ فۋنكتسياسى مۇگەدەكتەر مەن حالىقتىڭ وزگە دە الەۋمەتتىك تۇرعىدان ءالسىز توپتارىنىڭ قوعامدىق مارتەبەسىن قالپىنا كەلتىرۋ ءۇشىن قالىپتى جاعدايلار جاساۋ.
الەۋمەتتىك قامسىزداندىرۋدىڭ دەموگرافيالىق فۋنكتسياسى حالىق سانىنىڭ كوبەيۋىن كوتەرمەلەۋگە باعىتتالعان. بۇل مەملەكەتتىڭ قالىپتى دامۋى ءۇشىن قاجەت.
"ادىرنا" ۇلتتىق پورتالى
