Áleýmettik qamsyzdandyrý-áleýmettik qorǵaý júıesiniń halyqtyń eńbekke jaramsyz bóliginiń qajetterin qanaǵattandyrýǵa jáne turmys jaǵdaıyn qoldaýǵa negizdelgen.
Áleýmettik qamsyzdandyrýǵa quqyq Qazaqstan Respýblıkasy Konstıtýııasynyń 28-babynda bekitilgen, bul bapqa sáıkes: “Qazaqstan Respýblıkasynyń azamaty jasyna kelgen, múgedek bolǵan, asyraýshysynan aıyrylǵan jaǵadaıda jáne ózge de zańdy negizderde oǵan eń tómengi jalaqy men zeınetaqy kóleminde, áleýmettik qamsyzdandyrylýyna kepildik beriledi.
Áleýmettik qamsyzdandyrýdyń túrleri
Memlekettik áleýmettik qamsyzdandyrý kelesi túrlerde júzege asyrylady
- Aqsha tólemderi (zeınetaqy, járdemaqy, ótemaqy, materıaldyq kómek jáne t.b.);
- Zattaı kómek (dári-dármek, azyq túlik, múgedekter úshin tehnıkalyq kómek quraldary);
- Qyzmet kórsetý jáne jeńildikter (qarttar jáne múgedekterdiń úı-ınternattaryna, balalar úılerine ornalastyrý, úıde áleýmettik qyzmet kórsetý jáne t.b.);
- Múgedekterdiń emdelýimen, saýyǵýymen jáne densaýlyǵyn jaqsartýmen (staıonarda, úıden qatynap emdeý sanatorıılarda, qarttar jáne múgedekter úshin arnalǵan úı-ınternattarda);
- Azamattardyń jekelegen sanattaryna kómek kórsetýdiń birjolǵy aqshalaı jáne aqshalaı emes túrleri);
Aqsha quraldarynyń qaınar kózine qaraı áleýmettik qamsyzdandyrýdyń eki túrin ajyratýǵa bolady
- Memlekettik jáne jergilikti bıýdjet esebinen júzege asyrylatvn memlekettik áleýmettik qamsyzdandyrý;
- Zeınetaqy qorlarynyń salymshylarynyń – zańdy jáne jeke tulǵalardyń qarajaty esebinen júzege asyrylatyn memlekettik emes áleýmettik qamsyzdandyrý;
Áleýmettik qamsyzdandyrýdyń ekonomıkalyq fýnkııasy jasyna, eńbekke qabylettiginen aıyrylýyna nemese asyraýshysynan aıyrylýyna baılanysty jalaqyny nemese ózge de tabystyń ornyn toltyrýdan jáne turmys jaǵdaıy nashar tulǵalarǵa kómek kórsetý.
Áleýmettik qamsyzdandyrýdyń áleýmettik fýnkııasy áleýmettik qorǵalmaǵan, ózgeniń járdem kórsetýine muqtaj azamattar sanattaryna olarǵa qosymsha qarjy bólý jolymen kómek kórsetý.
Áleýmettik qamsyzdandyrýdyń eńbek fýnkııasy áleýmettik qamsyzdandyrýdyń barlyq túrleri úshin qarjynyń qaınar kózi bolyp osy qoǵamdaǵy eńbek qatynastarynyń tabylýy.
Áleýmettik qamsyzdandyrýdyń saýyqtyrý fýnkııasy múgedekter men halyqtyń ózge de áleýmettik turǵydan álsiz toptarynyń qoǵamdyq mártebesin qalpyna keltirý úshin qalypty jaǵdaılar jasaý.
Áleýmettik qamsyzdandyrýdyń demografııalyq fýnkııasy halyq sanynyń kóbeıýin kótermeleýge baǵyttalǵan. Bul memlekettiń qalypty damýy úshin qajet.
"Adyrna" ulttyq portaly
