مەكتەپتەردە قاشىقتان وقىتۋ 8 ينتەرنەت پلاتفورمادا جۇرگىزىلەدى. بۇل تۋرالى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا قر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات.
«ارينە، قاشىقتان وقىتۋ بويىنشا ەكى نەگىزگى باعىت بار. ءبىرىنشى باعىت - ينتەرنەت ارقىلى وقىتۋ. ينتەرنەت ارقىلى وقىتۋ بويىنشا بىزدە ارنايى بىرنەشە ينتەرنەت پلاتفورما بار. جالپى، وتكەن وقۋ جىلىنىڭ 4-توقسانىندا بىزدە ەكى نەگىزگى 2 ينتەرنەت پلاتفورما بولسا، وسى ۋاقىتتا وعان تاعى 6 ينتەرنەت پلاتفورما قوسىلىپ، 8-گە جەتتى»، - دەدى اسحات ايماعامبەتوۆ. ونىڭ اتاپ وتۋىنشە، وسى پلاتفورمالاردىڭ ىڭعايىنا بايلانىستى، بەرىپ وتىرعان مۇمكىندىگىنە بايلانىستى مەكتەپتەر، قالالىق، اۋداندىق ءبىلىم بولىمدەرى شەشىم قابىلداپ، كەلىسىمشارتقا قول قويادى جانە سول پلاتفورمامەن جۇمىس ىستەيدى. «ەكىنشى باعىتتا بالالار تەلەارنالار ارقىلى ساباق بەرىلەدى. «ەل ارنا» جانە «بالاپان» تەلەارنالارى تەلەساباقتارعا تاۋلىگىنە 9 ساعاتقا دەيىن ەفير ءبولىپ وتىر»، - دەدى مينيستر.
