شىمكەنتكە رەسپۋبليكالىق ماڭىزى بار قالا مارتەبەسى بەرىلگەن كەزدەن باستاپ، قالادا تۇرعىن ۇيگە دەگەن سۇرانىس ارتقان. وسىنى ەسكەرگەن «Shymkent» اكك» اق-ى 2024 جىلعا دەيىن شامامەن جالپى الاڭى 700 مىڭ شارشى مەتردى قۇرايتىن تۇرعىن ءۇي سالۋدى جوسپارلاپ وتىر. بۇل تۋرالى بۇگىن اقپاراتتىق-كوممۋنيكاتسيالىق ورتالىقتا وتكەن بريفينگتە «Shymkent» اكك» اق-ىنىڭ توراعاسى ب.كانكين ءمالىم ەتتى.
ونىڭ ايتۋىنشا، بۇگىندە الەۋمەتتىك كاسىپكەرلىك كورپوراتسياسى 26 تۇرعىن ءۇي قۇرىلىسى بويىنشا 6 كەلىسىم-شارت جاساعان. ونىڭ ىشىندەگى 21 ءۇي جىلدىڭ سوڭىنا دەيىن پايدالانۋعا بەرىلەدى ەكەن.
«تۇرعىن ۇيلەردىڭ قۇرىلىسى «7-20-25» مەملەكەتتىك باعدارلاماسى بويىنشا، «قازاقستاندىق ورنىقتىلىق قورى» اق-نىڭ كرەديتتىك قاراجاتى ەسەبىنەن جانە اكك-نىڭ ءوز قاراجاتى ەسەبىنەن جۇرگىزىلەدى. كورپوراتسيا پاتەرلەردى ساتۋ جولىمەن شامامەن 12.8 ملرد تەڭگەگە قول جەتكىزەدى، ونىڭ 11.8 ملرد تەڭگەسىن قولدانىستاعى كرەديت بويىنشا «قازاقستاننىڭ ورنىقتىلىق قورى» اق قايتارۋى قاجەت»،-دەدى ب.كانكين.
ايتا كەتەيىك، بيىلعى جىلى الەۋمەتتىك كاسىپكەرلىك كورپوراتسياسىنىڭ تاپسىرىسى نەگىزىندە «7-20-25» باعدارلاماسى اياسىندا سالىنعان 24 ءۇي پايدالانۋعا بەرىلدى.
شىمكەنت قالاسى اكىمىنىڭ ءباسپاسوز قىزمەتى