Shymkentke respýblıkalyq mańyzy bar qala mártebesi berilgen kezden bastap, qalada turǵyn úıge degen suranys artqan. Osyny eskergen «Shymkent» ÁKK» AQ-y 2024 jylǵa deıin shamamen jalpy alańy 700 myń sharshy metrdi quraıtyn turǵyn úı salýdy josparlap otyr. Bul týraly búgin aqparattyq-kommýnıkaııalyq ortalyqta ótken brıfıngte «Shymkent» ÁKK» AQ-ynyń tóraǵasy B.Kankın málim etti.
Onyń aıtýynsha, búginde áleýmettik kásipkerlik korporaııasy 26 turǵyn úı qurylysy boıynsha 6 kelisim-shart jasaǵan. Onyń ishindegi 21 úı jyldyń sońyna deıin paıdalanýǵa beriledi eken.
«Turǵyn úılerdiń qurylysy «7-20-25» memlekettik baǵdarlamasy boıynsha, «Qazaqstandyq ornyqtylyq qory» AQ-nyń kredıttik qarajaty esebinen jáne ÁKK-nyń óz qarajaty esebinen júrgiziledi. Korporaııa páterlerdi satý jolymen shamamen 12.8 mlrd teńgege qol jetkizedi, onyń 11.8 mlrd teńgesin qoldanystaǵy kredıt boıynsha «Qazaqstannyń ornyqtylyq qory» AQ qaıtarýy qajet»,-dedi B.Kankın.
Aıta keteıik, bıylǵy jyly áleýmettik kásipkerlik korporaııasynyń tapsyrysy negizinde «7-20-25» baǵdarlamasy aıasynda salynǵan 24 úı paıdalanýǵa berildi.
Shymkent qalasy ákiminiń baspasóz qyzmeti