الماتى قالاسى الاتاۋ اۋدانى زەردەلى شاعىن اۋدانىنداعى (بۇرىنعى العاباس-6) كوپقاباتتى تۇرعىن ۇيلەردىڭ قيسايعانىنا قاتىستى مالىمەت شىقتى، - دەپ حابارلايدى Zhasalash.kz.
اكىمدىك شاعىن اۋدانداعى №1/179 تۇرعىن ءۇي قيسايعان سوڭ، ونداعى بارلىق توعىز قاباتتى ءۇيدى تەكسەرۋگە شەشىم قابىلداعان. ول ءۇشىن الماتى قالاسىنىڭ قولايلى قالالىق ورتا باسقارماسى "قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى" اق-مەن كەلىسىم شارتقا وتىرعان. جۇمىس وسى جىلدىڭ سوڭىندا اياقتالۋى كەرەك.
"بۇگىندە 6 ۇيگە قاتىستى (1/180, 1/160, 1/161, 1/165, 1/167, 1/168) ساراپتاما قورىتىندىسى شىقتى. "قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى" اق قورىتىندىسىنا سايكەس، وسى ۇيلەردىڭ ىرگەتاسىن نىعايتۋ كەرەك. تۇرعىن ۇيلەردىڭ ىرگەتاسىن نىعايتۋ جۇمىسى تۇرعىنداردى كوشىرمەي جۇزەگە اسىرىلادى. №1/160, 1/161 ۇيلەردە ىرگەتاسىن نىعايتۋ جۇمىسى جۇرگىزىلىپ جاتىر", - دەلىنگەن اكىمدىك تاراتقان حابارلامادا.
قۇقىق قورعاۋ ورگاندارى ءۇيدىڭ نەگە قيعايساعانىن ءارى بۇل ىسكە جاۋاپتىلاردى انىقتاپ جاتىر.
ايتا كەتەيىك، 2019 جىلدىڭ جەلتوقسانىندا الماتىداعى № 179 تۇرعىن ءۇي 31 سانتيمەترگە قيسايعان. "قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى" اق بۇل اقپاراتتى راستاعان.
قيسايعان ءۇيدىڭ تۇرعىندارى اكىمدىكتىڭ قولداۋىمەن ۋاقىتشا وزگە جەرگە قونىس اۋدارىپ، ءۇيدى قالپىنا كەلتىرۋ جۇمىستارى جۇرگىزىلدى. تۇرعىندار ءوز ۇيلەرىنە جۋىردا عانا كەلدى.
"ادىرنا" ۇلتتىق پورتالى
