Zerdelide taǵy 6 úı qısaıdy

3196
Adyrna.kz Telegram

Almaty qalasy Alataý aýdany Zerdeli shaǵyn aýdanyndaǵy (burynǵy Alǵabas-6) kópqabatty turǵyn úılerdiń qısaıǵanyna qatysty málimet shyqty, - dep habarlaıdy Zhasalash.kz.

Ákimdik shaǵyn aýdandaǵy №1/179 turǵyn úı qısaıǵan soń, ondaǵy barlyq toǵyz qabatty úıdi tekserýge sheshim qabyldaǵan. Ol úshin Almaty qalasynyń qolaıly qalalyq orta basqarmasy "Qazaq qurylys jáne sáýlet ǵylymı-zertteý jáne jobalaý ınstıtýty" AQ-men kelisim shartqa otyrǵan. Jumys osy jyldyń sońynda aıaqtalýy kerek.

"Búginde 6 úıge qatysty (1/180, 1/160, 1/161, 1/165, 1/167, 1/168) saraptama qorytyndysy shyqty. "Qazaq qurylys jáne sáýlet ǵylymı-zertteý jáne jobalaý ınstıtýty" AQ qorytyndysyna sáıkes, osy úılerdiń irgetasyn nyǵaıtý kerek. Turǵyn úılerdiń irgetasyn nyǵaıtý jumysy turǵyndardy kóshirmeı júzege asyrylady. №1/160, 1/161 úılerde irgetasyn nyǵaıtý jumysy júrgizilip jatyr", - delingen ákimdik taratqan habarlamada.

Quqyq qorǵaý organdary úıdiń nege qıǵaısaǵanyn ári bul iske jaýaptylardy anyqtap jatyr.

Aıta keteıik, 2019 jyldyń jeltoqsanynda Almatydaǵy № 179 turǵyn úı 31 santımetrge qısaıǵan. "Qazaq qurylys jáne sáýlet ǵylymı-zertteý jáne jobalaý ınstıtýty" AQ bul aqparatty rastaǵan.

Qısaıǵan úıdiń turǵyndary ákimdiktiń qoldaýymen ýaqytsha ózge jerge qonys aýdaryp, úıdi qalpyna keltirý jumystary júrgizildi. Turǵyndar óz úılerine jýyrda ǵana  keldi.

 

"Adyrna" ulttyq portaly

Pikirler