ماحاببات– افريكادا دا ماحاببات! جاسىم جيىرما توعىزعا كەلسە دە، كەڭكەلەس ەمەسپىن، كەر جالقاۋ ەمەسپىن، كۇشەنشەك ەمەسپىن، كۇلەگەش ەمەسپىن، بىراق، ماحابباتتان جولىمنىڭ بولماي جۇرگەنى، مەنىڭ كۇس–كۇس الاقانىما اققۋدىڭ قونباي جۇرگەنى راس. مال باعىپ، ونى ساتۋمەن اينالىسامىن.
ءبىر كۇنى ەشكىگۇل دەگەن قىزبەن ينتەرنەت ارقىلى تانىسىپ، ءوزىمدى قويباعار دەپ تانىستىرىپ، اقىرىندا ول ماعان «ماحاببات» ۋنيۆەرسيتەتىنىڭ تەست سۇراقتارىن جىبەردى. سوعان باسىم قاتىپ وتىر، دوسىم تەستتەن قۇلاپ قالاسىڭ دەپ، ءار نارسەنى شاتىپ وتىر. سىزدەردەن سۇراناتىنىم، تەست سۇراقتارىنىڭ دۇرىس جاۋاپتارىن جازىپ جىبەرىڭىزدەرشى، اقىسىنا التى مىڭ تەڭگەنى كاسپي گولف پا، گولد پا، گورد پا، سوعان جىبەرەمىن.
ءبىرىنشى تەست سۇراعى: –ماحاببات دەگەنىمىز نە؟ ا.)ادامنىڭ جۇرەگى. ب) قويدىڭ جۇرەگى.ءا) ءيتتىڭ جۇرەگى. ەكىنشى تەستىڭ سۇراعى: –حاۋا انا مەن ادام اتا قاشان ۇيلەنگەن؟ ا) ءبىزدىڭ ەرامىزعا دەيىن ب) بىلتىر. ءا) اجىراسىپ كەتكەن. ءۇشىنشى تەستىڭ سۇراعى: –قازىرگى قىزدار حالال ما؟ ا) ارام. قاندارىنا تەمەكى، اراق، گاشيش، شەتەل ەركەكتەرىنىڭ ۇرىعى ارالاسىپ كەتكەن. ب) قۋ. «سۇيەم!» دەپ ۇيلەنىپ الادى، سوسىن، ءۇيىن، بايلىعىن تارتىپ الىپ، اجىراسۋدى ۇيرەنىپ الادى. ءا) 90 پايىزى حالال. ءتورتىنشى تەستىڭ سۇراعى: –جىگىتتەر قىزداردى نەگە الدايدى؟ ا) الدار كوسەنىڭ ىنىلەرى. ب) تاۋىق ماحاببات. ءا) الدامايتىندار دا بار، ولار– اۋرۋ.
بەسىنشى تەستىڭ سۇراعى: –قىز جىبەكتىڭ العاشقى ماحابباتى. ا) بەكەجان. ب) تولەگەن. ءا) تۇركىستان وبلىسىنىڭ بۇرىنعى اكىمى. التىنشى تەستىڭ سۇراعى: – قىز بەن جىگىتتىڭ العاشقى ديالوگى: –ا) نەسيەڭىز بار ما؟ ب) داۆاي، سۇيىسەيىك؟ ءا) سىزبەن تانىسقانىما الپىس جىلدان كەيىن وكىنبەيتىن شىعارمىن دەپ ويلايمىن. جەتىنشى تەستىڭ سۇراعى: –شىڭعىسحاننىڭ قانشا قاتىنى بولعان؟ ا) مەن قايدان بىلەيىن؟ ب) ءجۇز ەلۋدەي. ءا) ول كەزدە كالكۋلياتور بولماعان. سەگىزىنشى تەستىڭ سۇراعى: –ايەل مەن ەركەك نەگە بىرگە جاتادى؟ ا) قاراڭعىدا قورىقپاس ءۇشىن.ب)ۇرىسىپ جاتۋ ءۇشىن. ءا) ۇرپاق قامى، وتان ءۇشىن. توعىزىنشى تەستىڭ سۇراعى: –ماحاببات جاسقا قارايدى ما؟ ا) ماحابباتتا كوزىلدىرىك جوق، قارامايدى. ب) مايشاممەن قارايدى. ءا) كەلىنشەكتەر ىنىلەرىندەي جىگىتتەرگە ءتيىپ جاتىر. ونىنشى تەستىڭ سۇراعى: – جىگىت پەن قىز قىدىرىپ كەلە جاتقاندا، الدارىنان ارىق كەزدەستى. جىگىت نە ىستەيدى؟ ا) قىزىن يتەرىپ جىبەرەدى.ب) ارىققا كولدەنەڭ جاتا كەتىپ، كوپىر بولادى.ءا) قىزدى ارقالاپ، كەرى قاشا جونەلەدى.
مىنە، وسى ون سۇراقتىڭ جاۋابىن سۇيىكتىم «ماحاببات» ۋنيۆەرسيتەتىنەن الىپ، ۆاتساپپەن جىبەرىپتى. باسىم قاتىپ وتىر، دوسىم «توپاس بولساڭ، قاتىنسىز قالاسىڭ!» دەپ الا كوزىمەن اتىپ وتىر. كومەكتەسىڭىزدەرشى؟
مۇحتار شەرىمنىڭ قىشقىل ساتيراسى،
«ادىرنا» ۇلتتىق پورتالى
