ەلىمىزدە جاڭا باعدارلاما اياسىندا 800 مەكتەپ سالۋ جوسپاردا بولعانىمەن، اپاتتى مەكتەپتەر مەن ءۇش اۋىسىمدى وقۋ ماسەلەسى شەشىلمەي وتىر دەپ حابارلايدى «ادىرنا» ۇلتتىق پورتالى BAQ.KZ.-كە سىلتەمە جاساپ. بۇل تۋرالى بۇگىن پەداگوگتەر مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىنىڭ ونلاين پلەنارلىق وتىرىسىنا قاتىسقان پرەمەر-ءمينيستردىڭ ورىنباسارى ەرالى توعجانوۆ ءمالىم ەتتى.
پرەمەر-ءمينيستردىڭ ايتۋىنشا، اپاتتى جانە ءۇش اۋىسىمدى مەكتەپ ماسەلەسى وسىدان ءۇش جىل بۇرىن شەشىلۋ ءتيىس ەدى. اكىمدىكتەر الدىندا وسىنداي مىندەت قويىلىپ، ءتيىستى تاپسىرمالار بەرىلگەن. الايدا، بۇگىنگى كۇنى ەلدەگى 273 مەكتەپ پروبلەمالىق دەپ تانىلعان.
ءبىلىم بەرۋ ءىسىنىڭ ساپاسى وقۋشىلاردىڭ قانداي جاعدايدا ءبىلىم الىپ جاتقانىنا بايلانىستى. جاڭا مەكتەپتەر سالىنعانىمەن، اپاتتى جاعدايداعى ءبىلىم وردالارى دەگەن ماسەلە كۇن تارتىبىنەن تۇسپەي وتىر. قازىرگى كۇنى وسىنداي مەكتەپتىڭ 12-ءسى باتىس قازاقستان وبلىسىندا ورنالاسقان. تۇركىستان وبلىسىندا جەتى، اتىراۋ جانە جامبىل وبلىستارىندا بەس مەكتەپتەن بار، - دەگەن دەرەك كەلتىردى توعجانوۆ.
پرەمەر-ءمينيستردىڭ ورىنباسارى جەرگىلىكتى اكىمدىكتەرگە اتالعان ماسەلەنى شەشۋدىڭ ناقتى شارالارىنا كىرىسۋ مىندەتىن جۇكتەدى. سونداي-اق، اپاتتى مەكتەپتەر پروبلەماسى ونىڭ تىكەلەي نازارىندا بولاتىنىن ايتتى.
