بەلارۋسسيا پرەزيدەنتتىگىنە ۇمىتكەر بولعان سۆەتلانا تيحونوۆسكايا ۆيدەوۇندەۋ جولدادى. وندا ول جەرگىلىكتى كاسىپورىن جۇمىسشىلارىن ەرەۋىلدەردى جالعاستىرۋعا شاقىردى، دەپ حابارلايدى «ريا نوۆوستي».
قۇرمەتتى بەلورۋستار، "بەلارۋسكاليا", «متز»، «گرودنوازوتا» جانە باسقا دا كاسىپورىنداردىڭ قىزمەتكەرلەرى، سىزدەر جاڭا ءھام ەركىن بەلارۋسسيانىڭ سيمۆولىسىزدار! ...بەلورۋسسيانىڭ بولاشاعى، ءبىزدىڭ بالالارىمىزدىڭ بولاشاعى قازىر سىزدەردىڭ بىرلىكتەرىڭىز بەن تاباندىلىقتارىڭىزعا بايلانىستى. سوندىقتان سىزدەردەن سۇرايمىن: ەرەۋىلدەردى جالعاستىرىڭىزدار جانە ۇلعايتىڭىزدار!
بەلارۋسسياداعى جاپپاي نارازىلىق اكتسيالارى 9 تامىزدا، پرەزيدەنت سايلاۋىنان كەيىن باستالعان بولاتىن. سايلاۋدا التىنشى مارتە قازىرگى بەلارۋسسيا كوشباسشىسى الەكساندر لۋكاشەنكو جەڭىسكە جەتتى. وسك مالىمەتى بويىنشا، ول 80,1 پايىز داۋىس جينادى. وپپوزيتسيا وكىلدەرى سايلاۋ ناتەجيەسىمەن كەلىسپەيدى. ولاردىڭ پىكىرىنشە، سۆەتلانا تيحونوۆسكايا جەڭىسكە جەتتى.
«ادىرنا» ۇلتتىق پورتالى
