ەگەر شىمكەنتكە جولىڭىز تۇسسە…

3364
Adyrna.kz Telegram

تۋريزم – الەمدەگى ەكونوميكالىق كىرىسى ەڭ جوعارى سالانىڭ ءبىرى. ەلىمىزدە ساياحاتتى دامىتۋدىڭ العىشارتى – بۇل سالاداعى ناسيحاتتى  كۇشەيتۋ. بۇل تۇرعىدا، اسىرەسە، عالامتورعا ساياحاتتى ۇگىتتەيتىن ۆيدەولاردى، فوتوسۋرەتتەردى كوپتەپ سالۋ قاجەت.

شىمكەنت كەز كەلگەن ءتۋريستى تاريحي، مادەني جانە تابيعي كورىكتى جەرلەرىمەن، ءدامدى تاعامىمەن جانە قوناقجايلىعىمەن تاڭ قالدىرادى. ساراپشىلاردىڭ ايتۋىنشا، تۋريستەردى تامساندىرار تابيعاتىمىز، ەرەكشە سالت-ءداستۇرىمىز، تاريحي ەسكەرتكىشتەرىمىز كوپ بولسا دا، تۋريستىك الەۋەتىمىزدى تولىق پايدالانا الماي وتىرعاندىقتان، قازاقستان ىشكى جانە سىرتقى تۋريزمنەن جىلىنا 20 ملرد دوللاردى جوعالتادى ەكەن. دەمەك، قازىر قولعا الىنعان تۋريستىك سالانى دامىتۋدىڭ 2025 جىلعا دەيىنگى مەملەكەتتىك باعدارلاماسىن دۇرىس باعىتتا پايدالانۋىمىز كەرەك. وسى ورايدا شىمكەنت قالالىق اكىمدىگى مەن تۋريزم باسقارماسى ىشكى جانە سىرتقى ءتۋريزمنىڭ الەۋەتىن ارتتىرۋ ءۇشىن جان-جاقسى جۇمىستار اتقارۋدا.

ءۇشىنشى مەگاپوليستىڭ تۋريستىك تارتىمدىلىعىن ناسيحاتتاۋ ماقساتىندا تاياۋدا تۋريزم باسقارماسىنىڭ شاقىرتۋىمەن قالاعا National Geographic جانە New York Times جۋرنالدارىنىڭ تانىمال فوتوگرافى دجوردج شتەينمەتس كەلدى.

بەلگىلى امەريكاندىق فوتوگراف قالانىڭ نەگىزگى تۋريستىك نىساندارىنىڭ، اتاپ ايتقاندا ەسكى قالاشىقتاعى «تسيتادەل» جوباسى، تاۋەلسىزدىك ساياباعى، قوشقار اتا وزەنى، بايدىبەك بي ەسكەرتكىشى مەن ەتنواۋىل، اربات پەن اباي ساياباعى سەكىلدى كورىكتى ورىنداردىڭ ءفوتوتۇسىرىلىمىن جۇرگىزدى.

ەندى مەگااپوليس تۇرعىندارى تانىمال كاسىپقويدىڭ وبەكتيۆى ارقىلى شاھاردىڭ سۇلۋلىعىن «قۇستاردىڭ كوزىمەن» تاماشالاي الادى.

فوتوسۋرەتشى قازاقستاننىڭ وڭتۇستىگى تۋرالى شىعارمالارىن ميلليوننان استام جازىلۋشىسى بار Instagram پاراقشاسىندا جانە ءوزىنىڭ جەكە ۆەب-سايتىندا جاريالادى. سونىمەن قاتار سۋرەتتەر National Geographic جانە The New Yorker سياقتى بەدەلدى بۇقارالىق اقپارات قۇرالدارىندا جارىق كورمەك.

«الداعى ۋاقىتتا، پاندەميادان كەيىنگى كەزەڭدە شتەينمەتس تۇسىرگەن سۋرەتتەر قازاقستاننىڭ وزگە وڭىرلەرىندە قالا تۋرالى فوتوكورمە وتكىزۋگە نەگىز بولادى»، - دەيدى قالا باسشىلىعى.

شىمكەنت – بۇرىننان تۋريستەرگە تارتىمدى شاھار، قالامىزدا ءزاۋلىم قوناقۇيلەر، ءدامحانالار بار، دەندروساياباق، زووباق، تاعى باسقا كورىكتى ورىندار جەتەرلىك. ولار شىمكەنتتىڭ شىنايى ماقتانىشى، قالاعا كەلگەن قوناقتارعا دا ەرەكشە جىلى شۋاق، ەستەن كەتپەس ادەمى اسەر سىيلايتىنى راس. دەگەنمەن، مۇنىڭ ءبارى بىرلەسىپ جىمداسا جۇمىس ىستەمەگەن. ياعني، ارقايسىسى ءوز قازانىندا قايناپ، ءوز بەتىنشە ارەكەت ەتىپ جاتىر. ەندىگى ماقسات – وسى تۋريستىك مارشرۋتتاردى بىرىكتىرىپ، جۇيەلەپ، ءبىر-بىرىمەن تىعىز بايلانىس ورناتىپ، بىرلەسىپ جۇمىس ىستەۋىنە ىقپال ەتۋ.

وسى ورايدا قالانىڭ كورىكتى ورىندارىن كورسەتەتىن ارنايى تۋريستىك مارشرۋت اشىلۋدا. ول مارشرۋتتاردىڭ اراقاشىقتىعى 30 مينۋتتان بولماق.

ءۇشىنشى مەگاپوليستە العاش رەت تۋريستىك پوليتسيا ءبولىمى قۇرىلدى. وعان شىمكەنت قالاسى پوليتسيا دەپارتامەنتى كونكۋرس جاريالاپ، مامانداردى ىرىكتەپ الدى. سوسىن قالامىزدا كولىك كوپ، اۆتوتۇراقتار ماسەلەسى تۋىنداماس ءۇشىن پوليتسيا دەپارتامەنتىمەن بىرلەسىپ، ءار عيماراتتىڭ الدىندا كەزەكشىلىك قويىلعان.

تۋريستىك پوليتسيا قىزمەتكەرلەرى تاڭعى ساعات 9:00-دەن تۇنگى 1:00-گە دەيىن اربات، ورتالىق ساياباق، ناۋرىز الاڭى، قوشقار اتا وزەنىنىڭ جاعالاۋى سياقتى قالامىزداعى ءتورت ءىرى نىساندا قىزمەت اتقارادى.

وسى بولىمشەدەگى پوليتسيا قىزمەتكەرلەرىنىڭ مىندەتى قالا تۋريستەرى مەن قوناقتارىنا قۇقىقتىق كومەك كورسەتۋگە باعىتتالعان. ەگەر تۋريست ءوز قۇجاتتارىن جوعالتسا نەمەسە قانداي دا ءبىر وقيعا ورىن السا، پوليتسيا قىزمەتكەرلەرىنىڭ كومەگىنە جۇگىنۋىنە بولادى.

ساندىق ترانسفورماتسيا – تۋريزم سالاسىنداعى باستى ترەندتەردىڭ ءبىرى. جاڭا تەحنولوگيالار دامىعان عاسىردا تابىستى سالا دا زامان كوشىنەن قالماي كەلەدى. الەمدەگى دامىعان 37 مەملەكەتتىڭ باسىن قوسقان ەكونوميكالىق ىنتىماقتاستىق جانە دامۋ ۇيىمىنا (OECD) مۇشە ەلدەردەگى بارلىق مەكەمەلەردىڭ 77%-دا جەكە سايتتارى، 70%-دا الەۋمەتتىك جەلىلەردە پاراقشالارى بار. تۋريزم سالاسىنداعىلار دا ساندىق تەحنولوگيانىڭ وسىنداي ۇتىمدى تۇستارىن يگىلىكتەرىنە پايدالانادى.

شىمشاھار دا ساندىق تەحنولوگيانى تۋريزم سالاسىندا وڭتايلى پايدالانىپ جاتىر. «مادەني استانا» اياسىندا جانە قالاعا كەلەتىن وزگە دە قوناقتاردى شىمكەنت قالاسىنىڭ كورىكتى جەرلەرىمەن تانىستىرۋ ماقساتىندا تۋريزم باسقارماسى تاراپىنان قالانىڭ ءىرى كوشەلەرىنىڭ قيىلىسىنا اقپاراتتىق ناۆيگاتسيالىق ستەلالار ورناتىلۋدا.

ناۆيگاتسيالىق ستەلا – بۇل جاقىن ورنالاسقان تۋريستىك نىساندار تۋرالى اقپارات كوزى رەتىندە قىزمەت ەتەتىن ءارى ايماقتا جىلدام باعىت الۋعا جاعداي جاسايتىن شاعىن كولەمدى ديزاين.

بۇگىنگى تاڭدا اتالعان ناۆيگاتسيالىق ستەلالاردىڭ ءبىرى – ب. مومىشۇلى جانە جەلتوقسان كوشەلەرىنىڭ قيىلىسىندا ورناتىلدى. الداعى ۋاقىتتا بۇدان وزگە 29 ستەلانى ورنالاستىرۋ بويىنشا جۇمىستار جۇرگىزىلىپ جاتىر.

قالادا كورىكتى ورىندار كوپ

بۇگىندە شىمكەنت – اۋماعى جاعىنان ەلىمىزدىڭ ەڭ ءىرى مەگاپوليسى، رەسپۋبليكالىق ماڭىزى بار قالا.

قالانىڭ جالپى اۋماعى 117 مىڭ گەكتار. ءۇشىنشى مەگاپوليستە  رەسمي تۇردە ميلليوننان استام ادام تۇرادى.

كەلىسىم مەن بەيبىتشىلىكتە جۇزدەن استام ەتنوس ءومىر سۇرەدى.

⠀      شىمكەنت – سىزگە جاڭا ماقساتتار، جاڭا كوكجيەكتەر، جاڭا وقيعالار مەن جاڭا ەموتسيالار سىيلايتىن جانە دە جاڭا مۇمكىندىكتەر اشاتىن قالا!

شىمكەنت قالاسىنىڭ ەڭ ەسكى بولىگىندە ورنالاسقان ورداباسى الاڭى تاريحي جانە مادەني سەرۋەندەردىڭ ورتالىعى بولىپ تابىلادى. بۇل قالانىڭ باستاۋىنداعى ەجەلگى قامال، ەلىمىزدىڭ رامىزدەرى بار تاۋەلسىزدىك ساياباعى، قوشقار اتا وزەنىنىڭ قاسيەتتى كوزى، كەڭەس ءداۋىرىنىڭ قوعامدىق عيماراتتارى بار قازىبەك بي كوشەسى، سونداي-اق باسقا دا كوپتەگەن كورىكتى جەرلەر.

مۇندا جولىڭىز تۇسە قالسا، ءوز ساپارىڭىزدى ءدال وسى تاريحي جەردەن باستاۋدى ۇمىتپاڭىز.

باستى الاڭ – ارقاشاندا كەز كەلگەن قالانىڭ كەلبەتى، ال كەيبىر الاڭدار ءتىپتى، تۇتاس ءبىر ەلدىڭ ۆيزيتتىك كارتوچكاسىنا اينالادى. ۇزاق ۋاقىت بويى ۆ.ي. لەنيننىڭ ەسىمىمەن اتالعان شىمكەنت الاڭى دا وسىنداي الاڭداردىڭ ءبىرى، قازىر ول قازاق دالاسىنىڭ ۇلى پەرزەنتى، دارىندى ويشىل جانە فيلوسوف – ءال-ءفارابيدىڭ اتىمەن اتالادى.

الاڭنىڭ قالا ءۇشىن ءمانى ەرەكشە، سەبەبى ول باستى تۋريستىك باعىتتار جۇرەتىن ورتالىقتا ورنالاسقان. الاڭ ورىس دراما تەاترى، ءال-فارابي مەن قازاقستان كوممۋنيستىك پارتياسى شىمكەنت وبلىستىق كوميتەتىنىڭ ءبىرىنشى حاتشىسى ا.اسقاروۆتىڭ ەسكەرتكىشتەرى سياقتى ماڭىزدى نىساندارمەن قورشالعان.

⠀      وعان قالانىڭ جاڭا كورنەكتى ورىندارىنىڭ ءبىرى – بەيبىتشىلىك كوشەسىنىڭ جاياۋ جۇرگىنشىلەر ورامى - اربات جاناسادى. اربات – قالا تۇرعىندارى مەن قوناقتارىنىڭ سەرۋەندەيتىن سۇيىكتى ورنى. شىمكەنتتىڭ قارقىندى دامىپ كەلە جاتقانىنا قاراي الاڭ ادامنىڭ كوپ جينالاتىن ورتالىعى بولىپ تۇر.

شىمكەنتتەگى بەلسەندى دەمالىس – بۇل ۋاقىتتى پايدالى، كوڭىلدى جانە قىزىقتى وتكىزۋدىڭ تاماشا مۇمكىندىگى. وڭتۇستىك مەگاپوليس قالا تۇرعىندارى مەن قوناقتارى ءۇشىن قىزىقتى جانە بەلسەندى دەمالىستىڭ كوپتەگەن مۇمكىندىكتەرىن ۇسىنادى.

⠀      اربات – ەرەكشە كەلبەتتى جاياۋ جۇرگىنشىلەر جولى جانە قالا تۇرعىندارى مەن قوناقتارىنىڭ سۇيىكتى ورىندارىنىڭ ءبىرى. ءال-فارابي الاڭىنان بەيبىتشىلىك كوشەسى مەن رەسپۋبليكا داڭعىلىنىڭ قيىلىسىنا دەيىن، 500 مەترگە سوزىلعان قالانىڭ كورىكتى جەرى.

⠀      بۇل كوشەنىڭ اتموسفەراسى تاڭقالارلىق، اسىرەسە كەشكە، توبەدە قالىقتاعان پەرىشتەلەر، ءتۇرلى-ءتۇستى قولشاتىرلار ينستاللياتسياسى مەن سۋبۇرقاقتاردىڭ جارىق شامدارى جاعىلعان كەزدە، ءتىپتى تۇرلەنىپ كەتەدى.

⠀      ارباتتا ارقاشان كوڭىلدى: جاندى مۋزىكا، فلەش-موبتار، بي سايىستارى، فەستيۆالدار، سۋرەتشىلەر مەن قولونەرشىلەردىڭ كورمەلەرى، كوپتەگەن جانعا جايلى كوفەحانالار مەن مەيرامحانالار، كادەسىي دۇكەندەرى.

⠀      شىمكەنت قالاسىنا كەلگەن سوڭ، مىندەتتى تۇردە ارباتقا بارىپ، وڭتۇستىك مەگاپوليستىڭ اتموسفەراسى مەن جىلۋىنان راحات الىڭىز.

كۇنقالا مامىر ايىنىڭ ورتاسىنان باستاپ وڭتۇستىكتىڭ ىستىق جازى باستالادى.

⠀      ىستىق كۇندەرى سۋبۇرقاقتىڭ جانىندا ءجۇرىپ، ودان ەسكەن سالقىن سامالدى سەزىنۋ ءبىر عانيبەت ەمەس پە؟!. ال تۇندە سۋبۇرقاقتار  مۋزىكاسى مەن جارىق وتتارىن ويناتىپ ناعىز ءبىر سيقىرعا اينالادى.

⠀      بۇل ورايدا قالامىزدىڭ تۇرعىندارى مەن قوناقتارىنىڭ رەنىشى جوق، ويتكەنى شىمكەنت سۋبۇرقاقتار سانى بويىنشا ەلىمىزدەگى كوپتەگەن قالالاردى ارتتا قالدىرادى.

قالاعا كەلگەن كەزدە مىندەتتى تۇردە كىرىپ شىعاتىن قالانىڭ كورىكتى جەرلەرىنىڭ ءبىرى – شىعىس بازارى Qyrgy Bazar. بۇل جەردىڭ ءوزىنىڭ قىزىپ تۇرعان ىرعاعى بار، ال اينالاسىندا جاڭا پىسكەن جەمىستەر، كوكونىستەر، ءسۇت جانە ەت ونىمدەرى، سونداي-اق بۇكىل ورتا ازيانىڭ كەپكەن جەمىستەرى مول.

شىمكەنتتى ەرتەدەن بەرى «جاسىل قالا»، «باق قالا» دەپ اتايدى. وڭتۇستىك مەگاپوليسكە كەلىپ، مىندەتتى تۇردە جاسىل كوككە بولەنگەن قالا كوشەلەرى مەن ساياباقتارىندا جاياۋ سەرۋەندەۋگە ۋاقىت تابۋ كەرەك.

پالاۋى مەن سامساسىن جەگىڭىز كەلە مە؟!

ءۇشىنشى مەگاپوليستى گاسترونوميالىق اسەر ىزدەگەن جاندار ءۇشىن تاپتىرمايتىن تاماشا ورىن دەپ ايتۋعا بولادى. جەرگىلىكتى تۇرعىندار تاعامداردى دايىنداۋ مەن ۇسىنۋدىڭ ءجون جوباسىن جاقسى بىلەدى، ال مەكەمەلەر وزىنە «ءدامدى جانە ارزان» دەگەن ۆيزيت كارتوچكاسىن بەكىتىپ العان.

ەلىمىزدىڭ وڭتۇستىك مەگاپوليسى ەجەلدەن بەرى الۋان ءتۇرلى جانە كەرەمەت ءدامدى تاعامدارىمەن تانىمال. ورتا ازيانىڭ ەڭ ۇزدىك تاماق ۇلگىلەرىن جيناي وتىرىپ،  ءتۇپ تامىرى كونە داستۇرلەرگە جالعاسادى.

ءداستۇرلى شىعىس تاعامدارىنان باسقا، شاھار قوناقتارىن تۇرىك، گرۋزين، قىتاي، جاپون، يتاليان، كارىس سياقتى ءتۇرلى ەلدەردىڭ گاسترونوميالىق حيتتەرىمەن قارسى الادى.

مۇنداي الۋانتۇرلىلىك، ءتىپتى، ءتىس قاققان تاعام تالعاعىشتى دا جايىنا قالدىرمايدى، ال باعالار ايتارلىقتاي تاڭداندىرادى.

ەگەر ءسىز شىمكەنتكە العاش كەلسەڭىز، وندا جەرگىلىكتى تۇرعىندار ءسىزدى ناعىز شىعىس پالاۋىنىڭ ءدامىن كورۋگە الىپ بارادى.

⠀      وڭتۇستىك ءوڭىردىڭ اس ءۇيى تەك قازاق ۇلتتىق تاعامدارىنىڭ عانا ەمەس، وزبەك تاعامدارىنىڭ دا  ەڭ ۇزدىك رەتسەپتىلەرىن وزىنە سىڭىرگەن. بىزدە پالاۋدى جاقسى كورەدى، ونى دايىندامايتىن مەكەمە كەم دە كەم.

شىمكەنتتە شىرىنى تامعان قاربىز بەن حوش ءيىستى قاۋىننىڭ ماۋسىمى باسقا وڭىرلەرگە قاراعاندا الدەقايدا ەرتە باستالادى. ماۋسىم ايىنىڭ ورتاسىنان باستاپ شىمكەنت بازارلارى باقشالىق تاتتىلەرگە تولى.

قازاقستاننىڭ وڭتۇستىك ءوڭىرى ەلدىڭ اسىراۋشىسى بولىپ سانالاتىنى تاڭقالارلىق جاي ەمەس.

⠀      وتانداستارىمىزدى ءدامدى دارۋمەندى ونىممەن قامتاماسسىز ەتۋ ماقساتىندا شىمكەنتتەن الماتى، نۇر-سۇلتان جانە قازاقستاننىڭ باسقا دا قالالارىندا وتەتىن  جارمەڭكەلەرگە توننالاپ كوكونىستەر مەن جەمىس-جيدەكتەر جەتكىزىلەدى.

پانورامالىق كورىنىسىن كورگىڭىز كەلسە...

اسەم شىمكەنتتى الاقانداعىداي كورۋ ءۇشىن  بۇلتقا كوتەرىلۋدىڭ قاجەتى جوق. رومانتيكالىق سەرۋەندەر مەن شولۋ ەكسكۋرسيالارىنا ارنالعان پانورامالىق ورىنداردىڭ ءتىزىمىن ۇسىنامىز.

📍 جايلاۋكول ساياباعىنداعى Altyn Eye شولۋ دوڭگەلەگى

📍تاۋەلسىزدىك ساياباعى

📍تەحنوپاركتەگى اتكەنشەك

📍بايدىبەك بي ەسكەرتكىشىنىڭ شولۋ الاڭى

📍كەڭ بابا Family park شولۋ الاڭى

📍بەكىنىستىڭ (تسيتادەل) شولۋ الاڭى

سايرام شىڭى

«7 must do»:

⠀      ✅قالانىڭ ەڭ قىزىقتى جەرلەرىنە تەگىن جاياۋ سەرۋەنگە اتتانۋ.

Visit Shymkent اقپاراتتىق كيوسكتەر

✅ ءوزىڭىز ءۇشىن وڭتۇستىكتىڭ كوركەم تابيعاتىنىڭ اسەرلى كورىنىستەرىن اشۋ

⠀      ✅پاراپلانمەن ۇشۋ نەمەسە پاراشيۋتپەن سەكىرۋ

✅Red Bus ەكى قاباتتى اۆتوبۋستا قالا بويىنشا ەكسكۋرسيا جاساۋ

⠀      ✅جەرگىلىكتى مەكەمەلەر بويىنشا گاسترونوميالىق تۋر وتكىزۋ جانە شىمكەنتتەگى تاعامداردىڭ ەڭ ءدامدى ەكەنىنە كوز جەتكىزۋ

⠀      ✅ قايىق پەن كاتامارانداردا ءجۇزۋ

اسقاروۆ اتىنداعى دەندروساياباق

جايلاۋكول ساياباعى

⠀       ✅قالانىڭ ساياجولدارى، گۇلباقتارى جانە ساياباقتارىندا سەرۋەندەۋ. بيىل قالامىزدا جاسىل جەلەكتى ايماقتار ودان دا كوپ بولادى!

ەكوتۋريستەرگە قۇشاعىن اشادى

ەجەلگى تاريحي جانە قازىرگى زامانعا ساي ارحيتەكتۋرالىق شەشىمدەر ۇيلەسكەن سەرپىندى جانە قۋاتتى مەگاپوليس، مەيىرىمدى جانە قىزۋ قاندى تۇرعىندارى بار شىرايلى قالا ءسىز ءۇشىن ىشكى ساياحاتتاعى جاڭا باعىتتى اشادى.

ءۇشىنشى مەگاپوليستىڭ تۋريزم سالاسى تەك شىمكەنتتىڭ توڭىرەگىندە داميدى دەگەن بوس اڭگىمە. شىمشاھاردىڭ ماڭايىنداعى سايرام وگەم مەملەكەتتىك ۇلتتىق تابيعي ساياباعى، ونداعى ەستەن كەتپەس قىرىق قىز جارتاستارى، ماقپال كولى، قاسقاسۋ شاتقالىنداعى قاسقاسۋ سارقىراماسى، اقسۋ-جاباعىلى قورىعى، ت.ب. ءبارى دە كەرەمەتتەي تۋريستىك ماقتانىشتارىمىز.

كارانتين ءبىزدىڭ ءجۇرىپ-تۇرۋىمىزدى شەكتەدى، دەگەنمەندە ەڭسەمىزدى تۇسىرمەدىك.

جادىراپ جاز دا سوڭىنا تاقادى،  بارلىعىمىز قالانى ارالاپ سەرۋەندەۋدى، تاتۋ ءتاتتى كومپانيامەن تازا اۋاعا شىعىپ دەمالۋدى قۇپ كورەمىز.

تىكۇشاق ەكسكۋرسياسى

ءسىز ءبىر كۇننىڭ ىشىندە بىرنەشە بيىك تاۋلى كولدەردىڭ كەرەمەت كورىنىسىن  تاماشالاپ ۇلگەرگىڭىز كەلە مە؟

⠀      وڭتۇستىك تاۋلارىنىڭ اسەمدىگى، بيىك تاۋلى كولدەر مەن سايرام-وگەم ۇلتتىق تابيعي ساياباعىنىڭ بارلىق كوركەم القابى ەندى ۇشار بيىكتەن تىكۇشاق ەكسكۋرسياسى فورماتىندا قول جەتىمدى.

⠀📍باعىت: شىمكەنت قالاسىنان ۇشىپ شىعۋ - سايرام وگەم مۇتس - ماقپال كولى (ت.د. 2290 م.ب.) - سۋسىڭگەن كولى - شىمكەنت قالاسىنا قايتىپ ورالۋ.

⠀      اتتى ەكسكۋرسيالار

اتتى ەكسكۋرسيالار بەلسەندى تۇردە دەمالعاندى جاقسى كورەتىن جانداردىڭ كوڭىلىنەن شىعارى ءسوسسىز.

⠀      اتتى ەكسكۋرسيالار ۇزاقتىعىنا قاراي ءارتۇرلى: 2-3 ساعاتتىق جانە تولىق كۇندىك سەرۋەندەۋ بار، ودان قالسا ءتىپتى بىرنەشە كۇنگە جەرگىلىكتى گيدتەرمەن ات تۋرلارىن ۇيىمداستىرۋعا بولادى.

⠀      گيدتەردىڭ سۇيەمەلدەۋىمەن ءسىز جىلقىلارمەن قارىم-قاتىناس قۇپيالارىن بىلەسىز، اتپەن ءجۇرۋ ونەرىن مەڭگەرەسىز جانە كەرەمەت تابيعات كورىنىستەرىن تاماشالايسىز.

سايرام-وگەم ۇلتتىق ساياباعىنداعى جانە اقسۋ-جاباعىلى قورىعىنداعى اتتى ەكسكۋرسيالار كەڭىنەن تانىمال.

 

ءماريام ايتباي،

"ادىرنا" ۇلتتىق پورتالى

پىكىرلەر