قازاقستان ەل كونستيتۋتسياسىندا ءوزىن الەۋمەتتىك مەملەكەت دەپ اتاپ كورسەتتى. ونىڭ ءمانى – قوعامنىڭ الەۋمەتتىك ءومىرىنىڭ بارلىق سالالارىندا ازاماتتاردىڭ قاجەتتىلىكتەرى مەن مۇددەلەرىنىڭ كەشەندى تۇردە قامتاماسىز ەتىلۋى مەن قورعالۋىندا. بۇل شارت ەرەكشە قاجەتتىلىگى بار ادامدارعا دەگەن مەملەكەت قامقورلىعىنان دا كورىنىس تابۋى ءتيىس.
قر پرەزيدەنتى قاسىم-جومارت توقاەۆ حالىققا ارناعان جولداۋىندا «مەملەكەتتىڭ ەرەكشە قاجەتتىلىگى بار ادامدارعا كوپشىلىكپەن بىردەي جاعداي جاساۋعا مىندەتتى» ەكەنىن بولە-جارا اتاپ كورسەتتى.
ياعني، قوعامدىق ومىردە دە، كاسىبي قىزمەتتە دە، مەملەكەتتىك قىزمەتتەر الۋدا دا مۇگەدەك جاندار جايسىزدىق سەزىنبەۋى، كەدەرگىلەرگە تاپ بولماۋى ءتيىس.
وسى ورايدا، «ازاماتتارعا ارنالعان ۇكىمەت» مەملەكەتتىك كورپوراتسياسى مەملەكەتتىك قىزمەتتەر كورسەتۋدى ۇيىمداستىرۋدا مۇمكىندىگى شەكتەۋلى جاندارعا قولجەتىمدىلىگىن كوتەرۋگە ەرەكشە ءمان بەرىپ وتىر.
«بارلىق فرونت-وفيستەرگە كەلەتىن مۇگەدەكتىگى بار جاندار كولىكتەرىن قوياتىن اۆتوتۇراق، ارباداعى مۇگەدەكتەر ءۇشىن پاندۋستار، شاقىرۋ نۇكتەلەرى، كوتەرۋ ءليفتى، كوزى ناشار كورەتىندەرگە ارنالعان تاكتيلدى جولدار، برايل ماتىنىندەگى اقپاراتتىق تاقتاشالار ورناتىلعان. ءاربىر فرونت-وفيستە مۇگەدەكتەرگە قىزمەت كورسەتەتىن ارنايى تەرەزەلەر جۇمىس ىستەيدى. قۇلاعى ناشار ەستيتىن نەمەسە ساڭىراۋ جاندارعا ارنايى كۋرستاردان وتكەن سۋردواۋدارماشى مامان ىمداۋ-يشارا تىلىمەن قىزمەت كورسەتەدى»، - دەيدى فيليال ديرەكتورى دانيار قىرىقباەۆ.
ارباعا تاڭىلعان مۇگەدەك القانوۆ داۋرەن اسىلبەكۇلى الاتاۋ اۋداندىق فرونت-ءوفيستىڭ تۇراقتى قىزمەت الۋشىسى. ول مۇندا كەلگەن سايىن كوپشىلىكپەن بىردەي، ەش كەدەرگىسىز قىزمەت الاتىنىن ايتادى.
مۇگەدەكتەر ءۇشىن كوپتەگەن قىزمەتتى ون-لاين رەجيمدە الۋ قاراستىرىلعان. ماسەلەن، ازامات مۇگەدەكتىك توبىن انىقتاۋ ءۇشىن كوميسسيادان وتكەندە، باسقا ەش جەرگە جۇگىنۋدىڭ قاجەتى جوق. ونىڭ قۇجاتتارى ون-لاين رەجيمدە مەملەكەتتىك كورپوراتسياعا بەرىلىپ، وسىندا بارلىق جاردەماقىلار مەن تولەمدەر ءتۇرى بەلگىلەنىپ، ونىڭ تولەنۋى ۇيىمداستىرىلادى
سونداي-اق، «ازاماتتارعا ارنالعان ۇكىمەتتىڭ» ماماندارى 1 جانە 2 توپتاعى مۇگەدەكتەرگە، 70 جاستان اسقان قارت ادامدارعا، ۇوس قاتىسۋشىلارىنا جانە مۇمكىندىگى شەكتەۋلى بالالاردىڭ ءۇيىنە بارىپ قىزمەت كورسەتەدى.
«جىل باسىنان بەرى ءبىزدىڭ ماماندار /1737 ءۇي/ ۇيلەرگە بارىپ 2 مىڭعا جۋىق قىزمەت كورسەتتى. ەڭ كوپ تالاپ ەتىلەتىن قىزمەتتەر - پاسپورتتار مەن جەكە كۋالىكتەر بەرۋ. مۇگەدەكتەردى سۋردو-تيفلوتەحنيكالىق جانە مىندەتتى گيگيەنالىق قۇرالدارمەن قامتاماسىز ەتۋ، پروتەزدىك-ورتوپەديالىق كومەك ۇسىنۋ ءۇشىن ولارعا قۇجاتتاردى رەسىمدەۋ جانە ت. ب. قىزمەتتەر دە سۇرانىسقا يە", - دەيدى ديرەكتور.
«ازاماتتارعا ارنالعان ۇكىمەت» مەملەكەتتىك كورپوراتسياسىندا ءار ءتۇرلى قىزمەتتەردە 807, الماتى فيليالىندا 67 مۇمكىندىگى شەكتەۋلى جان جۇمىس ىستەيتىنىن ايتا كەتكەنىمىز ءجون.
«ازاماتتارعا ارنالعان ۇكىمەت» مك
الماتى قالاسى فيليالى،
تەل.: 87073240176
