بەلارۋس رەسپۋبليكاسىندا «جاڭا بەلارۋس مارشى» اتتى جاڭا اۋقىمدى نارازىلىق شەرۋلەرى وتەتىنى جاريالاندى. نارازىلىق شەرۋى وسى جەكسەنبىدە، 23 تامىز كۇنى وتەدى. بۇل جايىندا Nexta Live تەلەگرام كانالىندا حابارلاعان.
اتالعان تەلەگرام كانال بەلورۋستاردى ەلدىڭ بارلىق قالاسىندا ميتينگىگە شىعۋعا شاقىرعان. اتاپ ايتقاندا، مينسكىدە نارازىلىق اكتسياسى تاۋەلسىزدىك الاڭىندا ساعات 14:00-دە باستالۋى ءتيىس.
وپپوزيتسيالىق كۇشتەردىڭ تالاپتارى وتكەن دەمالىس كۇندەردەگىدەي:
- بارلىق ۇستالعاندار مەن ساياسي تۇتقىندارعا دەرەۋ ەركىندىك بەرىلۋى;
- پرەزيدەنت الەكساندر لۋكاشەنكونىڭ كەتۋى;
- كىسى ءولتىرۋ مەن ازاپتاۋعا كىنالىلەر بويىنشا سوت تورەلىگى.
سونداي-اق حابارلامادا: «سول ءبىر ماڭىزدى جانە تاريحي كۇنى (16 تامىزداعى نارازىلىقتار – «ادىرنا») بەلورۋستار باسقا ەلدە تۇرۋعا دايىن ەكەنىن كورسەتتى. ءوز جولىمەن ءومىر ءسۇرۋدىڭ ۋاقىتى كەلدى", - دەپ كورسەتىلگەن.
سۋرەت NEXTA Live تەلەگرام پاراقشاسىنان الىندى
ادىرنا» ۇلتتىق پورتالى
