اقش-تىڭ بۇرىنعى پرەزيدەنتى باراك وباما اق ءۇيدىڭ قازىرگى باسشىسى دونالد ترامپتىڭ پرەزيدەنتتىگىن رەاليتي-شوۋ دەپ باعالاپ، ءوزىنىڭ اكىمشىلىگىنىڭ بۇرىنعى ۆيتسە-پرەزيدەنتى دجوزەف بايدەندى «اعام» دەپ اتاپ، ونىڭ ىسىنە جوعارى باعا بەردى. بۇل تۋرالى «ادىرنا» ۇلتتىق پورتالى Tass.ru- عا سىلتەمە جاساپ حابارلايدى.
بۇرىنعى مەملەكەت باسشىسى العاش رەت ءىزباسارىن سىنعا الىپ، وسىلايشا 2016 جىلى بەرگەن جەكە باسقا تيىسپەۋ تۋرالى ۋادەسىن بۇزدى.
وبامانىڭ ايتۋىنشا، ترامپ نە جۇمىسىن اتقارۋعا، نە مامىلەگە كەلۋگە، نە ءوزى مەن دوستارىنان باسقا ادامدارعا كومەكتەسۋ ءۇشىن ءوز وكىلەتتىگءىنىڭ كۇشىن پايدالانۋعا تىرىسپاعان. سونداي-اق ەكس-پرەزيدەنتتىڭ پىكىرىنشە، ترامپ ءوز پرەزيدەنتتىگىن «ءوزىنىڭ قىزىعۋشىلىعىن جۇزەگە اسىرۋعا قولدانۋعا بولاتىن» وزىندىك رەاليتي-شوۋ دەپ سانايتىن» كورىنەدى.
ترامپتى داتتاي كەلە، وباما بايدەندى ماقتاپ، ونىڭ تاباندىلىعىن، جاناشىرلىعىن، ادامدارعا قۇرمەتپەن قاراۋدى جانە اتا-اناسىنىڭ وسيەتىنە ادالدىعىن اتاپ ءوتتى. ول: "مەن 12 جىل بۇرىن ۆيتسە-پرەزيدەنتىمدى ىزدەي باستاعاندا، مەن سوڭىندا ءوز اعامدى تابامىن دەپ كۇتپەدىم", - دەي كەلە، بايدەن مەن ونىڭ سايلاۋالدى كۇرەستەگى سەرىكتەسى كامالاءحارريستى اقش-تاعى "قيىن ۋاقىتتى" توقتاتۋعا قابىلەتتى دەپ اتادى.
بۇعان دەيىن ترامپ ءوزىنىڭ بيلىككە كەلۋىنە وبامانىڭ ءوز جۇمىسىن دۇرىس اتقارماعانى سەبەپ بولعانىن ايتقان. ونىڭ ويىنشا، ەگەر وباما مەن بايدەن ءوز مىندەتتەرىن ءتيىستى دەڭگەيدە اتقارعان بولسا، ول 2016 جىلى پرەزيدەنتتىك سايلاۋعا تۇسپەس ەدى.
اقش سايلاۋى 3 جىلدىڭ 2020 قاراشاسىنا جوسپارلانعان. SSRS قىزمەتىنىڭ مالىمەتىنشە، رەسپوندەنتتەردىڭ 50 پايىزى دەموكراتتار ءۇشىن داۋىس بەرۋگە دايىن. ترامپ جانە قازىرگى ۆيتسە-پرەزيدەنت مايكل پەنس الەۋەتتى سايلاۋشىلاردىڭ 46 پايىز داۋىسىن جيناعان.
«ادىرنا» ۇلتتىق پورتالى
