5 شىلدەدەن بەرى بەتپەردەسىز جۇرگەن 2778 جەكە تۇلعاعا اكىمشىلىك ايىپپۇل سالىنعان. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ارنايى ءباسپاسوز بريفينگىندە حابارلادى.
بەتپەردەنى تاعۋ مىندەتتەلگەن جابىق عيماراتتاردا وسى تالاپتى بۇزىپ، بەتپەردەسىز جۇرگەن ازاماتتارعا، سونىمەن قاتار قوعامدىق ورىنداردا بەتپەردە تاقپاعان 306 ادامعا ايىپپۇل سالىنىپ، ايىپپۇل كولەمى 62,6 ملن تەڭگەنى قۇراعان. وسى تۋرالى ءسوز ەتكەن قوجاحمەتوۆ ءتارتىپتى بۇزعانداردى ارنايى مونيتورينگ جۇرگىزۋ توپتارى مەن جەرگىلىكتى پوليتسەيلەر انىقتايتىنىن دا جەتكىزدى.
بۇل كورسەتكىش ەلىمىز بويىنشا انىقتالعان جاعداي. جەكەلەگەن ايماقتار مەن ناقتى قاي وڭىردەگى بەتپەردە تاعۋ تالابىنا باعىنباعاندار سانى تۋرالى ازىرگە ناقتى مالىمەت جوق.
