پرەزيدەنتىمىز قاسىم-جومارت توقاەۆ 2019 جىلدىڭ سوڭىندا الماتى قالاسىن دامىتۋ ماسەلەلەرى جونىندەگى كەڭەسىندە قالانىڭ كولىك ينفراقۇرىلىمىن دامىتۋعا بايلانىستى جەتىستىكتەردى اتاپ وتكەن-ءدى. ايتسە دە، اۆتوجولدار، مەترو جەلىلەرى، سونداي-اق كەپتەلىسكە بايلانىستى بىرقاتار ماسەلەلەر ءالى دە شەشىمىن تابۋى ءتيىس-ءتى. جىل باسىنان بەرى بۇل سالاداعى بىرقاتار ولقىلىقتاردىڭ ورنى تولتىرىلىپ، قالاداعى كولىك قوزعالىسى كۇن سايىن رەتتەلىپ كەلەدى.
الماتىنىڭ جول جوندەۋ جۇمىستارىنا 2020 جىلعا 15 ميلليارد تەڭگە ءبولۋ قاراستىرىلعان. الايدا، پاندەمياعا بايلانىستى قاراجات مولشەرى كەمۋى مۇمكىن. باقىتجان ساعىنتاەۆ مالىمدەۋىنشە، قءازىر قالادا 283 كوشە جوندەلىپ جاتىر. بۇگىندە ۇزىندىعى 62 شاقىرىمنان اساتىن 91 كوشە ورتاشا جوندەۋدەن وتكەن. جىل سوڭىنا دەيىن جولداردىڭ 80 پايىزىن ساپالى ەتۋ جوسپارلانىپ وتىر. سونىمەن قاتار، تروللەيبۋس جەلىلەرى دە جوندەۋدەن ءوتىپ، الداعى ۋاقىتتا مەتروستانتسيالار سانى ارتىپ، اۆتوبۋستار جاڭارادى.
16 كوشەنىڭ تروللەيبۋس جەلىسءى جوندەلەدى. 2019 جىلى تروللەيبۋس جەلىلەرىن جاڭعىرتۋعا 5 ميلليارد تەڭگە ءبولۋ جوسپارلانعان بولاتىن. بيىل پاندەمياعا بايلانىستى بۇل سوما 1,7 ميللياردقا دەيىن قىسقاردى. قالا اكىمى ب. ساعىنتاەۆ جىل سوڭىنا دەيىن 16 كوشەدە 16 تروللەيبۋس جولىن رەتكە كەلتىرۋگە ۋادە بەردى. جاندوسوۆ، سەيفۋللين، قابانباي باتىر، اۋەزوۆ، روزىباكيەۆ، جۋبانوۆ، ەمتسوۆ، قالداياقوۆ، پۋشكين كوشەلەرىنىڭ بويىندا، رىسقۇلوۆ جانە رايىمبەك داڭعىلدارىنىڭ بويىندا دەمونتاج جانە مونتاجداۋ جۇمىستارى جۇرگىزىلەتىن بولادى.
تروللەيبۋس ينفراقۇرىلىمىن تولىق جاڭارتۋ، ونىڭ ىشىندە 172 شاقىرىم جولدى جاڭالاۋ 2021 جىلى اياقتالادى دەپ جوسپارلانۋدا.
2021 جىلى «سارىارقا» جانە «دوستىق» مەتروستانتسيالارى اشىلادى. بۇگىندە مەترو جەلىسىنىڭ ەكىنشى كەزەڭىنىڭ قۇرىلىسى جالعاسۋدا، ونىڭ ىشىندە «سارىارقا» جانە «دوستىق»ستانتسيالارى مەن اباي كوشەسىنىڭ بويىمەنالتىنساريننەن مومىشۇلىعا دەيىنگى باتىس باعىتتاعى 3,1 شاقىرىمدىق مەترو جەلىسىنىڭ قۇرىلىسى ءجۇرىپ جاتىر. قۇرىلىسقا 442 جۇمىسشى مەن 66 تەحنيكا جۇمىلدىرىلعان. سونداي-اق بيىل ءۇشىنشى ىسكە قوسۋ-جوندەۋ كەشەنىنىڭ قۇرىلىسى باستالادى. ونىڭ قۇرامىنا ياسساۋي كوشەسىنەن اشيموۆ كوشەسىنە دەيىن 2,4 كم جانە قالقامان ىقشاماۋدانىنداعى اشيموۆ كوشەسىنىڭ بويىمەن سولتۇستىك باعىتتاعى «قالقامان» ستانتسياسى كىرەدى. قۇرىلىس ءۇش جىلعا جوسپارلانعان.
66 ملن. تەڭگەگە 12 مەترلىك 150 اۆتوبۋس ساتىپ الۋ جوسپارلانۋدا. 23 شىلدەدە مەملەكەتتىك ساتىپ الۋلار ۆەب-سايتىندا «الماتىەلەكتروترانس» جشس-ءنىڭ الماتىلىق تاسىمالداۋشى كومپانياسىنا ارنالعان لوتتار جاريالاندى. كومپانيا كولىك پاركىن جاڭارتۋ ءۇشىن قاراجات 150 اۆتوبۋسقا بولىنەتىنىن ءتۇسىندىردى. جاڭا اۆتوبۋستار 2020 جىلدىڭ سوڭىندا كەلەدى دەپ جوسپارلانۋدا.
ايجان پەردەبەكقىزى،
«ادىرنا» ۇلتتىق پورتالى
