Almatyda keptelis azaıady

1736
Adyrna.kz Telegram

Prezıdentimiz Qasym-Jomart Toqaev 2019 jyldyń sońynda Almaty qalasyn damytý  máseleleri jónindegi keńesinde qalanyń kólik ınfraqurylymyn damytýǵa baılanysty jetistikterdi atap ótken-di. Áıtse de, avtojoldar, metro jelileri, sondaı-aq kepteliske baılanysty birqatar máseleler áli de sheshimin tabýy tıis-ti. Jyl basynan beri bul saladaǵy birqatar olqylyqtardyń orny toltyrylyp, qaladaǵy kólik qozǵalysy kún saıyn rettelip keledi.

Almatynyń jol jóndeý jumystaryna 2020 jylǵa 15 mıllıard teńge bólý qarastyrylǵan. Alaıda, pandemııaǵa baılanysty qarajat mólsheri kemýi múmkin. Baqytjan Saǵyntaev málimdeýinshe, qazir qalada 283 kóshe jóndelip jatyr. Búginde uzyndyǵy 62 shaqyrymnan asatyn 91 kóshe ortasha jóndeýden ótken. Jyl sońyna deıin joldardyń 80 paıyzyn sapaly etý josparlanyp otyr. Sonymen qatar, trolleıbýs jelileri de jóndeýden ótip, aldaǵy ýaqytta metrostanııalar  sany artyp, avtobýstar jańarady.

16 kósheniń trolleıbýs jelisi jóndeledi. 2019 jyly trolleıbýs jelilerin jańǵyrtýǵa 5 mıllıard teńge bólý josparlanǵan bolatyn. Bıyl pandemııaǵa baılanysty bul soma 1,7 mıllıardqa deıin qysqardy. Qala ákimi B. Saǵyntaev jyl sońyna deıin 16 kóshede 16 trolleıbýs jolyn retke keltirýge ýáde berdi. Jandosov, Seıfýllın, Qabanbaı batyr, Áýezov, Rozybakıev, Jýbanov, Emov, Qaldaıaqov, Pýshkın kósheleriniń boıynda, Rysqulov jáne Raıymbek dańǵyldarynyń boıynda demontaj jáne montajdaý jumystary júrgiziletin bolady.

Trolleıbýs ınfraqurylymyn tolyq jańartý, onyń ishinde 172 shaqyrym joldy jańalaý 2021 jyly aıaqtalady dep josparlanýda.

2021 jyly «Saryarqa» jáne «Dostyq» metrostanııalary ashylady. Búginde metro jelisiniń ekinshi kezeńiniń qurylysy jalǵasýda, onyń ishinde «Saryarqa» jáne «Dostyq»stanııalary men Abaı kóshesiniń boıymenAltynsarınnen Momyshulyǵa deıingi batys baǵyttaǵy 3,1 shaqyrymdyq metro jelisiniń qurylysy júrip jatyr. Qurylysqa 442 jumysshy men 66 tehnıka jumyldyrylǵan. Sondaı-aq bıyl úshinshi iske qosý-jóndeý kesheniniń qurylysy bastalady. Onyń quramyna Iassaýı kóshesinen Ashımov kóshesine deıin 2,4 km jáne Qalqaman yqshamaýdanyndaǵy Ashımov kóshesiniń boıymen soltústik baǵyttaǵy «Qalqaman» stanııasy kiredi. Qurylys úsh jylǵa josparlanǵan.

66 mln. teńgege 12 metrlik 150 avtobýs satyp alý josparlanýda. 23 shildede memlekettik satyp alýlar veb-saıtynda «Almatyelektrotrans» JShS-niń almatylyq tasymaldaýshy kompanııasyna arnalǵan lottar jarııalandy. Kompanııa kólik parkin jańartý úshin qarajat 150 avtobýsqa bólinetinin túsindirdi. Jańa avtobýstar 2020 jyldyń sońynda keledi dep josparlanýda.

Aıjan Perdebekqyzy,

«Adyrna» ulttyq portaly

Pikirler