دەنساۋلىق ساقتاۋ ءمينيسترى الەكسەي تسوي قازاقستاننىڭ قاتاڭ كارانتيننەن قالاي شىعاتىنى تۋرالى ايتىپ، دەمالىس كۇندەرى قانداي قاتاڭ ەرەجەلەر ەنگىزىلەتىنىن ايتتى، دەپ حابارلايدى «ادىرنا» Kyzylorda-news.kzكە سىلتەمە جاساپ.
تسوي «پاندەميا اياقتالدى» دەدى جانە ءبىز بىرتىندەپ قالىپتى ومىرگە ورالاتىنىمىزدى ايتتى.
«ازاماتتارعا بەتپەردە كيۋ جانە الەۋمەتتىك قاشىقتىقتى ساقتاۋ مىندەتتى. ءبىز بۇقارالىق، مەرەكەلىك جانە ەسكە الۋ ءىس-شارالارىن وتكىزۋدەن باس تارتۋعا ءماجبۇرمىز. بۇل قاۋىپسىزدىك ءۇشىن قاجەتتى شارالار. كارانتين بىتكەننەن كەيىن العاشقى قاتەلىكتى قايتالاۋدىڭ قاجەتى جوق. بارىنشا ساق بولعانىمىز ءجون»، – دەدى دەنساۋلىق ساقتاۋ مينيسترلىگىنىڭ باسشىسى.
مينيستر مەملەكەتتىك كوميسسيا وسى ۋاقىتقا دەيىنگى شەكتەۋلەردى تەك جۇمىس كۇندەرى جەڭىلدەتۋ تۋرالى شەشىم قابىلداعانىن ەسكە سالدى.
«كەلەسى دەمالىس كۇندەرى ەل تاعى ەكى كۇنگە كارانتينگە ورالادى. 22 جانە 23 تامىزدا 65 جاستان اسقان ادامداردىڭ قوزعالىسىنا شەكتەۋ قويىلادى، قوعامدىق كولىكتەر توقتايدى، ال بيزنەس قايتادان جۇمىسىن توقتاتۋعا ءماجبۇر بولادى. ەرەكشەلىك تەك ازىق-تۇلىك دۇكەندەرى مەن دارىحانالارعا عانا قاتىستى» – دەپ ءتۇسىندىردى الەكسەي تسوي.
دەنساۋلىق ساقتاۋ مينيسترلىگىنىڭ باسشىسى ازاماتتاردان قابىلدانعان شارالاردى تۇسىنىستىكپەن قاراۋدى سۇرادى.
دەنساۋلىق ساقتاۋ جۇيەسىندەگى جۇكتەمەنىڭ نەگىزگى كورسەتكىشتەرىنىڭ جاقسارۋىنا بايلانىستى جانە كارانتيندىك شارالاردى كۇشەيتۋ نەمەسە جەڭىلدەتۋ كريتەريىنە قول جەتكىزگەنىمىزدى ەسكەرە وتىرىپ، مەملەكەتتىك كوميسسيانىڭ وتىرىسىندا دەنساۋلىق ساقتاۋ ءمينيسترى الەكسەي تسويدىڭ كارانتيندىك شارالاردى كەزەڭ-كەزەڭىمەن جەڭىلدەتۋ تۋرالى ۇسىنىسى قارالدى.
“ادىرنا” ۇلتتىق پورتالى
