اقش سەناتىنىڭ حالىقارالىق ىستەر جونىندەگى كوميتەتىنىڭ باسشىسى دجيم ريش بەلارۋس پرەزيدەنتى الەكساندر لۋكاشەنكونىڭقايتا سايلانۋى دەموكراتيالىق جولمەن بولماعان بولسا, ءوز ەركىمەن قىزمەتىنەن كەتۋگە شاقىردى دەپ حابارلايدى، «ريا جاڭالىقتار»اگەنتتىگى.
"لۋكاشەنكو مىرزا كەشەگى داۋىس بەرۋ ناتيجەلەرىن شىنايى ەسەپتەۋگە مۇمكىندىك بەرۋى كەرەك جانە ول دەموكراتيالىق جولمەن قايتا سايلانباعان بولسا، ءوز ەركىمەن قىزمەتىنەن كەتۋى ءتيىس. سونداي-اق, ول بەلارۋسسيا ءۇشىن وزگە جول ىزدەيتىندەرگە قارسى بۇقارالىق اقپارات قۇرالدارىن جانشۋدى, ينتەرنەتتى ءوشىرۋدى، قاماۋعا الۋدى جانە زورلىق-زومبىلىقتى دەرەۋ توقتاتۋى قاجەت. بيلىكتىڭ بەيبىت جولمەن بەرىلۋى بەلارۋسسيانىڭ بولاشاعى مەن ونىڭ ەگەمەندىگى ءۇشىن وتە ماڭىزدى", - دەلىنگەن ريشانىڭ جازباشا مالىمدەمەسىندە.
جەكسەنبى كۇنى بەلارۋس پرەزيدەنتىنىڭ سايلاۋى ءوتتى. وسك مالىمەتتەرى بويىنشا، لۋكاشەنكو 80,08%، ەكىنشى ورىندا سۆەتلانا تيحونوۆسكايا 10,09% داۋىس جيناعان. سونىمەن بىرگە, سۆەتلانا تيحانوۆسكايانىڭ شتاب-پاتەرى وسك ناتيجەلەرىن مويىندامايتىندىقتارىن حابارلادى. رەسپۋبليكانىڭ بارلىق ايماقتارىنداعى سايلاۋ ۋچاسكەلەرىندەگى مالىمەتتەر ونىڭ 70-80% جيناعانىن كورسەتتى.
«ادىرنا» ۇلتتىق پورتالى
