الماتى وبلىسىندا جانارماي بەكەتى مەن ەكى كولىك جارىلىپ كەتتى

1196

دجيپ كولىگى كولىك جانارماي قۇيۋ بەكەتىنىڭ گاز تولى بولىگىنە سوعىلىپ،  جارىلىس بولدى. ەكى ادام زارداپ شەكتى جانە ەكى كولىك ورتەنىپ كەتتى، - دەپ حابارلايدى "ادىرنا" الماتى وبلىسى توتەنشە جاعداي دەپارتامەنتىنە سىلتەمە جاساپ.

  "تەرميالىق كۇيىك سالدارىنان 1948 جىلى تۋعان Land Cruiser Prado ماركالى كولىكتىڭ جۇرگىزۋشىسى اۋرۋحاناعا جەتكىزىلدى، دەنەسىنىڭ 90 پايىزىن كۇيىك شالعان، جاعدايى اۋىر. تاعى ءبىر زارداپ شەگۋشى - 1990 جىلى تۋعان ماي قۇيۋ ستانساسىنىڭ وپەراتورى، ول العاشقى مەديتسينالىق كومەك كورسەتىلگەننەن كەيىن ۇيىنە جىبەرىلدى. جاقىن ماڭداعى كوپقاباتتى جانە جەكە تۇرعىن ۇيلەر زارداپ شەككەن جوق", - دەلىنگەن الماتى وبلىسى تجد ءباسپاسوز قىزمەتى حابارلاماسىندا.

6 تامىزدا ساعات 10:15-تە الماتى وبلىسىنداعى ەسىك قالاسىندا "الەم ويل" اجقس ماڭىندا Land Cruiser Prado ماركالى كولىك گاز تولى بوشكەگە سوقتىعىسىپ، سونىڭ كەسىرىنەن جارىلىس بولىپ، Hyundai Tucson جانە Land Cruiser Prado كولىكتەرى جانە 700 شارشى مەتر جەر ورتەنىپ كەتتى.

پىكىرلەر
رەداكتسيا تاڭداۋى