COVID-19 ىندەتىنىڭ الدىن الۋ شارالارى رەتىندە ادامداردى قايتا-قايتا كارانتينگە جاپقاننان مەملەكەتكە وراسان شىعىن كەلەدى. سونىمەن قاتار قايتالاپ كارانتين ەنگىزە بەرۋ ۆيرۋستىڭ تاراۋىنا توقتاۋ سالا المايدى. بۇل تۋرالى The Daily Telegraph دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) ەپيدەميولوگى ماريا ۆان كەركحوۆە مالىمدەدى.
ددسۇ وكىلىنىڭ ايتۋىنشا، كارانتيننىڭ ورنىنا باسقا ستارتەگيالىق جوسپارلاردىڭ تەتىگى ىسكە قوسىلۋى كەرەك. ولاي ەتپەگەن جاعدايدا كارانتينگە جابىلعان ەلدىڭ ەكونوميكاسى ورنى تولماس شىعىنعا ۇشىرايدى. سونىمەن قاتار ەپيدەميولوگ ناۋرىز ايىندا ەنگىزىلگەن كارانتين شارالارى ۋاقىت ۇتتىرۋ ءۇشىن اسا قاجەت بولعانىن، قوعامدىق دەنساۋلىق ساقتاۋ ۇيىمدارىنا ىندەتپەن كۇرەسۋدىڭ جولدارىن انىقتاۋعا مۇمكىن بەرگەنىن تىلگە تيەك ەتتى.
الايدا كەركحوۆە كارانتين ەل ەكونوميكاسىنا عانا ەمەس، ادامداردىڭ دەنساۋلىعىنا دا ۇلكەن زارار بەرگەنىن باسا ايتتى. «ددسۇ كارانتين ەنگىزۋدى قولدامايدى. كەي ەلدەر ءۇشىن وتە جىلدام تاراعان ىندەتتىڭ الدىن الۋعا كارانتيندى امالسىز ەنگىزۋگە تۋرا كەلدى. ەندىگى جەردە مەملەكەتتەرگە كارانتين جاعدايىن ەنگىزۋدىڭ ەش قاجەتى جوق دەپ سانايمىز»، دەيدى ددسۇ وكىلى.
سونىمەن قاتار ەپيدەميولوگ الداعى جارتى جىلدا كوروناۆيرسكە قارسى ۆاكتسينانىڭ جاساپ شىعارىلاتىنىنا سەنىم جوعىن دا جاسىرمايدى.
«ادىرنا» ۇلتتىق پورتالى.
