COVID-19 indetiniń aldyn alý sharalary retinde adamdardy qaıta-qaıta karantınge japqannan memleketke orasan shyǵyn keledi. Sonymen qatar qaıtalap karantın engize berý vırýstyń taraýyna toqtaý sala almaıdy. Bul týraly The Daily Telegraph Dúnıejúzilik densaýlyq saqtaý uıymynyń (DDSU) epıdemıology Marııa Van Kerkhove málimdedi.
DDSU ókiliniń aıtýynsha, karantınniń ornyna basqa startegııalyq josparlardyń tetigi iske qosylýy kerek. Olaı etpegen jaǵdaıda karantınge jabylǵan eldiń ekonomıkasy orny tolmas shyǵynǵa ushyraıdy. Sonymen qatar epıdemıolog naýryz aıynda engizilgen karantın sharalary ýaqyt uttyrý úshin asa qajet bolǵanyn, qoǵamdyq densaýlyq saqtaý uıymdaryna indetpen kúresýdiń joldaryn anyqtaýǵa múmkin bergenin tilge tıek etti.
Alaıda Kerkhove karantın el ekonomıkasyna ǵana emes, adamdardyń densaýlyǵyna da úlken zarar bergenin basa aıtty. «DDSU karantın engizýdi qoldamaıdy. Keı elder úshin óte jyldam taraǵan indettiń aldyn alýǵa karantındi amalsyz engizýge týra keldi. Endigi jerde memleketterge karantın jaǵdaıyn engizýdiń esh qajeti joq dep sanaımyz», deıdi DDSU ókili.
Sonymen qatar epıdemıolog aldaǵy jarty jylda koronavırske qarsy vakınanyń jasap shyǵarylatynyna senim joǵyn da jasyrmaıdy.
«Adyrna» ulttyq portaly.
