«جاستار جۇقتىرۋى مۇمكىن، جاستار دا ءولۋى مۇمكىن» دەيدى ددسۇ وكىلى

6233
Adyrna.kz Telegram

كەيبىر ەلدەردە كوروناۆيرۋستىڭ ءورشۋى قاجەتتى قورعانىس شارالارىن ساقتامايتىن جاستاردىڭ نەمقۇرايلىلىعىنان بولادى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس 30 شىلدەدە وتكەن بريفينگتە مالىمدەدى دەپ جازادى BAIRAQ.KZ.

گەبرەيەسۋستىڭ ايتۋىنشا، ەگدە جاستاعى ادامداردىڭ ءۆيرۋستى جۇقتىرۋ قاۋپى كوپ بولسا دا، جاستار اۋىرادى. ۇيىمنىڭ الدىندا تۇرعان قيىندىقتىڭ ءبىرى - جاستاردى وسى قاۋىپكە سەندىرۋ. "جاستار جۇقتىرۋى مۇمكىن، جاستار دا ءولۋى مۇمكىن جانە ولار ۆيرۋستى باسقالارعا تاراتادى", دەدى ددسۇ باسشىسى.

ول جاستار دا، قارتتار دا وزدەرىن جانە باسقالاردى قورعاۋ ءۇشىن ساقتىق شارالارىن بىردەي ساقتاۋى كەرەك دەپ اتاپ ءوتتى.  دۇنيەجۇزىلىك دەنساۋلىق ساقتاۋ ۇيىمىنىڭ باسشىسى بۇل ۇيىم مىنەز-قۇلىقتى زەرتتەۋ جانە دەنساۋلىق ساقتاۋ سالاسىنداعى تەحنيكالىق كەڭەس بەرۋ توبىن قۇرعانىن حابارلادى.

بۇل ددسۇ-نىڭ مىنەز-قۇلىق عىلىمدارىنداعى جۇمىسىن تەرەڭدەتەدى ءارى دەنساۋلىققا قاتىستى ۇسىنىستاردى تيىمدىرەك ەتەدى. ونىڭ قۇرامىنا الەمنىڭ 16 ەلىنەن 22 ساراپشى كىردى.

پىكىرلەر