Keıbir elderde koronavırýstyń órshýi qajetti qorǵanys sharalaryn saqtamaıtyn jastardyń nemquraılylyǵynan bolady. Bul týraly Dúnıejúzilik densaýlyq saqtaý uıymynyń basshysy Tedros Gebreıesýs 30 shildede ótken brıfıngte málimdedi dep jazady BAIRAQ.KZ.
Gebreıesýstiń aıtýynsha, egde jastaǵy adamdardyń vırýsti juqtyrý qaýpi kóp bolsa da, jastar aýyrady. Uıymnyń aldynda turǵan qıyndyqtyń biri - jastardy osy qaýipke sendirý. "Jastar juqtyrýy múmkin, jastar da ólýi múmkin jáne olar vırýsty basqalarǵa taratady", dedi DDSU basshysy.
Ol jastar da, qarttar da ózderin jáne basqalardy qorǵaý úshin saqtyq sharalaryn birdeı saqtaýy kerek dep atap ótti. Dúnıejúzilik densaýlyq saqtaý uıymynyń basshysy bul uıym minez-qulyqty zertteý jáne densaýlyq saqtaý salasyndaǵy tehnıkalyq keńes berý tobyn qurǵanyn habarlady.
Bul DDSU-nyń minez-qulyq ǵylymdaryndaǵy jumysyn tereńdetedi ári densaýlyqqa qatysty usynystardy tıimdirek etedi. Onyń quramyna álemniń 16 elinen 22 sarapshy kirdi.
