ادىرنا كۇنتىزبەسى: بۇگىن əلەمدىك ادميندەر كۇنى

481
Handsome man and attractive woman are working in data centre with laptop. IT engineer specialists in network server room. Running diagnostics and maintenance. Technicians examining server.
Handsome man and attractive woman are working in data centre with laptop. IT engineer specialists in network server room. Running diagnostics and maintenance. Technicians examining server.

جىل سايىن شىلدە ايىنىڭ سوڭعى جۇماسىندا كورپوراتيۆتىك جانە ءۇي جەلىلەرى، مالىمەتتەر بازاسى، پوشتا جۇيەلەرى مەن باعدارلامالىق جۇيەلەر سەكىلدى باسقا «كورىنبەيتىن مايداننىڭ جاۋىنگەرلەرى» وزدەرىنىڭ كاسىبي مەرەكەلەرىن - جۇيەلىك اكىمشى كۇنىن اتاپ وتەدى. امەريكاندىق نۇسقادا ايتار بولساق، جۇيە اكىمشىسىنە ريزاشىلىق ءبىلدىرۋ كۇنى (System Administrator Appreciation Day, SAAD).

جۇيەلىك اكىمشى (اعىلش. System administrator), IT اكىمشىسى - كومپيۋتەرلىك تەحنيكا، جەلىلەر مەن باعدارلامالىق قامتاماسىز ەتۋ جۇمىستارىمەن اينالىساتىن قىزمەتكەر.

ءسيسادميننىڭ نەگىزگى مىندەتتەرى:

اپپاراتتىق جانە باعدارلامالىق جاساقتاۋ جانە كۇيگە كەلتىرۋ;
دەرەكتەردىڭ رەزەرۆتىك كوشىرمەلەرىن دايىنداۋ جانە ساقتاۋ;
پايدالانۋشىلاردىڭ ەسەپتىك جازبالارىن قۇرۋ جانە جۇرگىزۋ;
جۇيەنىڭ اقاۋلارىن جويۋ;
كاسىپورىننىڭ جەلىلىك قۇرىلىمىن كەڭەيتۋ بويىنشا جۇمىستاردى جوسپارلاۋ جانە جۇيەلى جۇرگىزۋ;
جاسالعان بارلىق ارەكەتتەردى تىركەپ وتىرۋ.

جۇيەلىك اكىمشى كوبىنە ۇيىمداعى اقپاراتتىق قاۋىپسىزدىك ماسەلەلەرىمەن اينالىسادى.

ءسيسادميننىڭ (System administrator) كاسىبى دارىگەرگە ۇقسايدى - ەگەر ءبارى جاقسى جۇمىس ىستەپ تۇرسا، ونى ەشكىم دە ەسىنە المايدى. ال ەگەر قانداي دا ءبىر اقاۋ بولا قالسا، ءبارى ادمينيستراتوردى ەسكە الادى جانە بەلسەندى تۇردە كومەكتەسۋىن تالاپ ەتەدى.

مەرەكەنىڭ نەگىزىن قالاۋشى - امەريكاندىق، چيكاگوداعى جۇيەلىك اكىمشى تەد كەكاتوس. ونىڭ ويىنشا، جۇيەلىك اكىمشىلەر كەم دەگەندە جىلىنا ءبىر رەت  قولدانۋشىلاردىڭ ريزاشىلىعىن سەزىنۋى كەرەك. بۇل تانىمال مەرەكە العاش رەت 2000 جىلدىڭ 31 شىلدەسىندە اتاپ ءوتىلدى. مەرەكە قازىرگى تاڭدا حالىقارالىق ارەناعا سەنىمدى تۇردە ەنۋدە.

بۇل كۇن - كورپوراتيۆتى جەلىلەر مەن كومپيۋتەرلەردىڭ ءال-اۋقاتىن قورعايتىن «كورىنبەيتىن مايداننىڭ» قاراپايىم قىزمەتكەرلەرى ۇلىقتالاتىن كۇن. ءسىزدىڭ كومپانياڭىزدىڭ دا ءساتتى جۇمىسى سول ادمينيستراتورعا تىكەلەي بايلانىستى ەمەس پە؟

ەگەر ءسىز وسى جولداردى وقىپ وتىرساڭىز، وندا sysadmin-گە العىس ايتىڭىز! ەلەكتروندىق پوشتاڭىزعا مىڭداعان حاتتاردىڭ ۇزدىكسىز كەلۋى، جەردىڭ كەز-كەلگەن نۇكتەسىندە وتىرىپ ينتەرنەتكە قوسىلا العانىڭىز، سۇيىكتى سىلتەمەلەرىڭىزدىڭ كەلىپ تۇرۋى، وقيتىن پايدالى سايتتارىڭىز، ءبارى-ءبارى جۇيەلىك اكىمشىنىڭ ەرەن ەڭبەگىنىڭ ارقاسى. ال ءسىز وسى ارەكەتتەردىڭ بارلىعىنىڭ ارتىندا بىرەۋدىڭ تۇرعانىن بىلگەن بە ەدىڭىز؟ بىلسەڭىز، ادمينيستراتورلاردى قۇتتىقتاپ، ءبىر قۋانتىپ قويىڭىز. بىلمەسەڭىز، ماقالا پايدالى بولعانىنا قۋانىشتىمىز!

اياۋلىم ءابىلدA,
“ادىرنا” ۇلتتىق پورتالى

 

 

پىكىرلەر
رەداكتسيا تاڭداۋى