Jyl saıyn shilde aıynyń sońǵy jumasynda korporatıvtik jáne úı jelileri, málimetter bazasy, poshta júıeleri men baǵdarlamalyq júıeler sekildi basqa «kórinbeıtin maıdannyń jaýyngerleri» ózderiniń kásibı merekelerin - Júıelik ákimshi kúnin atap ótedi. Amerıkandyq nusqada aıtar bolsaq, júıe ákimshisine rızashylyq bildirý kúni (System Administrator Appreciation Day, SAAD).
Júıelik ákimshi (aǵylsh. System administrator), IT ákimshisi - kompıýterlik tehnıka, jeliler men baǵdarlamalyq qamtamasyz etý jumystarymen aınalysatyn qyzmetker.
Sısadmınniń negizgi mindetteri:
Júıelik ákimshi kóbine uıymdaǵy aqparattyq qaýipsizdik máselelerimen aınalysady.
Sısadmınniń (System administrator) kásibi dárigerge uqsaıdy - eger bári jaqsy jumys istep tursa, ony eshkim de esine almaıdy. Al eger qandaı da bir aqaý bola qalsa, bári admınıstratordy eske alady jáne belsendi túrde kómektesýin talap etedi.
Merekeniń negizin qalaýshy - amerıkandyq, Chıkagodaǵy júıelik ákimshi Ted Kekatos. Onyń oıynsha, júıelik ákimshiler kem degende jylyna bir ret qoldanýshylardyń rızashylyǵyn sezinýi kerek. Bul tanymal mereke alǵash ret 2000 jyldyń 31 shildesinde atap ótildi. Mereke qazirgi tańda halyqaralyq arenaǵa senimdi túrde enýde.
Bul kún - korporatıvti jeliler men kompıýterlerdiń ál-aýqatyn qorǵaıtyn «kórinbeıtin maıdannyń» qarapaıym qyzmetkerleri ulyqtalatyn kún. Sizdiń kompanııańyzdyń da sátti jumysy sol admınıstratorǵa tikeleı baılanysty emes pe?
Eger siz osy joldardy oqyp otyrsańyz, onda sysadmin-ge alǵys aıtyńyz! Elektrondyq poshtańyzǵa myńdaǵan hattardyń úzdiksiz kelýi, Jerdiń kez-kelgen núktesinde otyryp Internetke qosyla alǵanyńyz, súıikti siltemelerińizdiń kelip turýy, oqıtyn paıdaly saıttaryńyz, bári-bári JÚIELIK ÁKIMShINIŃ eren eńbeginiń arqasy. Al siz osy áreketterdiń barlyǵynyń artynda bireýdiń turǵanyn bilgen be edińiz? Bilseńiz, admınıstratorlardy quttyqtap, bir qýantyp qoıyńyz. Bilmeseńiz, maqala paıdaly bolǵanyna qýanyshtymyz!
Aıaýlym ÁBILDA,
“Adyrna” ulttyq portaly
