كارانتيننىڭ 2 اپتاعا سوزىلۋىنا بايلانىستى قازاقستاندىقتارعا 21250 تەڭگە تولەنەدى دەپ حابارلايدى «ادىرنا» ۇلتتىق پورتالى قر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
قازاقستان اۋماعىندا كارانتيننىڭ 2 اپتاعا سوزىلۋىنا بايلانىستى، مەملەكەتتىك الەۋمەتتىك ساقتاندىرۋ قورىنان كارانتيندىك شەكتەۋ شارالارىنىڭ ەنگىزىلۋىنە بايلانىستى تابىسىنان ايىرىلعان جاعدايدا بىرجولعى تولەم الۋشىلارعا تولەنەتىن 42500 تەڭگەگە قوسىمشا 0,5 ەڭ تومەنگى جالاقى (بۇدان ءارى – ەتج) اۆتوماتتى تۇردە اۋدارىلادى.
كارانتين ۇزارتىلعاننان كەيىن ماسق-دان بىرجولعى تولەم تاعايىنداۋعا العاش رەت ءوتىنىش بەرگەن ازاماتتارعا تولەم 1,5 ەتج نەمەسە 63 750 تەڭگە (42 500 + 21 250 تەڭگە) مولشەرىندە تاعايىندالادى.
بۇدان بۇرىن حابارلانعانداي، مەملەكەت باسشىسىنىڭ تاپسىرماسى بويىنشا 2020 جىلعى شىلدەدە كارانتيندىك شارالاردىڭ ەنگىزىلۋىنە بايلانىستى جۇمىس ىستەيتىن قازاقستاندىقتارعا تابىسىن تولىق جوعالتقان جاعدايدا ءبىر ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋ جۇزەگە اسىرىلادى.
ەستەرىڭىزگە سالا كەتەيىك، 30 شىلدە ساعات 9.00-دەگى جاعداي بويىنشا ازاماتتاردان ماسق-دان بىرجولعى تولەم تاعايىنداۋعا 2,3 ملن-نان استام بىرەگەي ءوتىنىش قابىلدانعان. تولەم 2 ملن 80 مىڭ ادامعا تاعايىندالدى. اقشالاي قاراجات 2 ملن 58 مىڭ قازاقستاندىققا اۋدارىلدى.
“ادىرنا” ۇلتتىق پورتالى
