Karantınniń 2 aptaǵa sozylýyna baılanysty qazaqstandyqtarǵa 21250 teńge tólenedi dep habarlaıdy «Adyrna» ulttyq portaly QR Eńbek jáne halyqty áleýmettik qorǵaý mınıstrligine silteme jasap.
Qazaqstan aýmaǵynda karantınniń 2 aptaǵa sozylýyna baılanysty, Memlekettik áleýmettik saqtandyrý qorynan karantındik shekteý sharalarynyń engizilýine baılanysty tabysynan aıyrylǵan jaǵdaıda birjolǵy tólem alýshylarǵa tólenetin 42500 teńgege qosymsha 0,5 eń tómengi jalaqy (budan ári – ETJ) avtomatty túrde aýdarylady.
Karantın uzartylǵannan keıin MÁSQ-dan birjolǵy tólem taǵaıyndaýǵa alǵash ret ótinish bergen azamattarǵa tólem 1,5 ETJ nemese 63 750 teńge (42 500 + 21 250 teńge) mólsherinde taǵaıyndalady.
Budan buryn habarlanǵandaı, Memleket basshysynyń tapsyrmasy boıynsha 2020 jylǵy shildede karantındik sharalardyń engizilýine baılanysty jumys isteıtin qazaqstandyqtarǵa tabysyn tolyq joǵaltqan jaǵdaıda bir eń tómengi jalaqy – 42 500 teńge mólsherinde birjolǵy tólem taǵaıyndaý júzege asyrylady.
Esterińizge sala keteıik, 30 shilde saǵat 9.00-degi jaǵdaı boıynsha azamattardan MÁSQ-dan birjolǵy tólem taǵaıyndaýǵa 2,3 mln-nan astam biregeı ótinish qabyldanǵan. Tólem 2 mln 80 myń adamǵa taǵaıyndaldy. Aqshalaı qarajat 2 mln 58 myń qazaqstandyqqa aýdaryldy.
“Adyrna” ulttyq portaly
