باۋىرجان مومىشۇلىنىڭ افوريزمدەرى

909

باۋىرجان مومىشۇلى - اتى اڭىزعا اينالعان ءباھادۇر باتىر، ۇلت ماقتانىشى. ول كىسىنىڭ ءار ايتقان ءسوزى - جاقۇت. «ادىرنا» ۇلتتىق پورتالى اتامىزدىڭ ۇرپاعىنا قالدىرعان ناقىل سوزدەرىن نازارلارىڭىزعا ۇسىنادى.

- ەرلىك - ەلىكتەۋ ەمەس. ەسەپپەن ەرلىك جاسالمايدى. ونىڭ دايىن رەتسەبى جوق.
- اركىمنىڭ وزىنە-ءوزى ۇقساعانى جاقسى. بىرەۋدىڭ بويىنداعى تابيعي بولمىسىنا ۇقسايمىن دەسەڭ، ول بەتپەردە سياقتى جانسىز قالقا بولادى.
- مىقتى بولساڭ، مىقتىلىعىڭدى ايەلىنە بارىپ دالەلدە! بالالارىڭنىڭ اناسىن باقىتتى ەتىپ ءوت. جارىڭنىڭ ساعان ريزا بولىپ وتكەنى-ۇلى ماداق.
- كەمشىلىكسىز ادام بولمايدى. بىلمەگەندىكتەن، تاجىريبيەسىزدىكتەن قاتەلەسۋلەر بولادى. كىناسىن مويىنداۋ اركىمنىڭ قولىنان كەلە بەرمەيدى. ال ءجون سوزگە تۇسىنە جىعىلىپ، كىناسىن مويىنداپ، قاتەسىن تۇزەي ءبىلۋ - اقىلدىلىقتىڭ، قايراتتىلىقتىڭ بەلگىسى.
- ماڭدايى ءجىپسىپ ەڭبەك ەتپەگەن، ناننىڭ شىنايى ءدامىن بىلمەيدى.
- ءوز انا تىلىندە ءتىلى شىقپاعان بالانىڭ سورى قاينايدى. كەيبىرەۋلەر قازاقتىڭ بالاسىنىڭ قازاقشا سويلەگەنىن تاڭسىق كورگەندە نامىستانىپ جارىلا جازدايسىڭ. وزگە ءتىلدى ءبىلۋ - ارتىقشىلىق، انا ءتىلدى ءبىلۋ - مىندەتىڭ.
- جۇيكەڭ ءالى تالاي قاجەت بولادى. بولماشىعا توزدىرما. شەشۋشى ساتتەرگە باپتا.
- شىندىق ءۇشىن ازاپ تارتقان دا - ابىروي.
- ەگىن بار جەردە تورعاي بار. جارىق بولماسا، كولەڭكە دە بولماس ەدى.
- سىرىڭدى ەشكىمگە الدىرتپا! ەكى ەلى اۋىزىڭا سىيماعان ءسوز وزگەنىڭ وتىز ەكى ءتىسىنىڭ اراسىنا تىپتەن سىيمايدى

ديانا اسانوۆا،

«ادىرنا» ۇلتتىق پورتالى

پىكىرلەر
رەداكتسيا تاڭداۋى