«ۇلىبريتانيادا العاش رەت مىسىقتان كوروناۆيرۋس تابىلعانى راستالدى» دەپ حابارلايدى «ادىرنا» ۇلتتىق پورتالى rbk.ru-عا سىلتەمە جاساپ.
بۇل مالىمەت ۇلىبريتانيا ۇكىمەتىنىڭ سايتىندا جاريالاندى. بولجام بويىنشا، مىسىق COVID-19-دى ۆيرۋسپەن اۋىرعان يەلەرىنەن جۇقتىرعان.
قازىرگى تاڭدا مىسىق تا، ونىڭ يەلەرى دەكوروناۆيرۋستان ايىعىپ ۇلگەردى.
ۇلىبريتانيانىڭ باس ۆەتەرينارلىق دارىگەرى كريستين مەديتيم جانۋارلاردىڭ ۆيرۋس جۇقتىرۋى الاڭداۋشىلىق تۋعىزبايتىنىن اتاپ ءوتتى. «بۇل وتە سيرەك كەزدەسەتىن وقيعا، ازىرگە ۆيرۋس جۇقتىرعان جانۋارلاردا كلينيكالىق بەلگىلەر عانا بايقالادى جانە ولار بىرنەشە كۇن ىشىندە قالپىنا كەلۋدە», - دەدى ول.
باس دارىگەردىڭ سوزىنشە, ءۇي جانۋارلارىنىڭ ۆيرۋستى ادامدارعا تىكەلەي جۇقتىراتىنداعى تۋرالى ەشقانداي دالەل جوق.
ەستەرىڭىزگە سالا كەتسەك، اقش پەن رەسەيدە دە مىسىقتان كوروناۆيرۋس انىقتالعان بولاتىن.
دۇنيەجۇزىلىك دەنساۋلىق ساقتاۋ ۇيىمى مەن دۇنيەجۇزىلىك جانۋارلاردىڭ دەنساۋلىعىن ساقتاۋ ۇيىمىنىڭ مالىمەتتەرى بويىنشا، ادامداردىڭ يتتەر مەن مىسىقتاردان COVID-19 جۇقتىرۋ فاكتىلەرى ءالى انىقتالعان جوق جانە جانۋارلاردىڭ ۆيرۋس تاراتاتىندىعى تۋرالى ەشقانداي دالەل جوق. الايدا، عالىمدار COVID-19-دىڭ اۋا ارقىلى ءبىر مىسىقتان ەكىنشى مىسىققا بەرىلۋى مۇمكىن ەكەنىن راستادى.
“ادىرنا” ۇلتتىق پورتالى
