Ulybrıtanııada mysyqtan koronavırýs tabylǵany rastaldy

2347
Adyrna.kz Telegram

«Ulybrıtanııada alǵash ret mysyqtan koronavırýs tabylǵany rastaldy» dep habarlaıdy «Adyrna» ulttyq portaly rbk.ru-ǵa silteme jasap.

Bul málimet Ulybrıtanııa úkimetiniń saıtynda jarııalandy. Boljam boıynsha, mysyq COVID-19-dy vırýspen aýyrǵan ıelerinen juqtyrǵan.

Qazirgi tańda mysyq ta, onyń ıeleri dekoronavırýstan aıyǵyp úlgerdi.

Ulybrıtanııanyń bas veterınarlyq dárigeri Krıstın Medıtım janýarlardyń vırýs juqtyrýy alańdaýshylyq týǵyzbaıtynyn atap ótti. «Bul óte sırek kezdesetin oqıǵa, ázirge vırýs juqtyrǵan janýarlarda klınıkalyq belgiler ǵana baıqalady jáne olar birneshe kún ishinde qalpyna kelýde», - dedi ol.

Bas dárigerdiń sózinshe, úı janýarlarynyń vırýsty adamdarǵa tikeleı juqtyratyndaǵy týraly eshqandaı dálel joq.

Esterińizge sala ketsek, AQSh pen Reseıde de mysyqtan koronavırýs anyqtalǵan bolatyn.

Dúnıejúzilik densaýlyq saqtaý uıymy men Dúnıejúzilik janýarlardyń densaýlyǵyn saqtaý uıymynyń málimetteri boıynsha, adamdardyń ıtter men mysyqtardan COVID-19 juqtyrý faktileri áli anyqtalǵan joq jáne janýarlardyń vırýs taratatyndyǵy týraly eshqandaı dálel joq. Alaıda, ǵalymdar COVID-19-dyń aýa arqyly bir mysyqtan ekinshi mysyqqa berilýi múmkin ekenin rastady.

 

“Adyrna” ulttyq portaly

Pikirler