1. قىتاي مەن اقش-تىڭ تەكەتىرەسى جاڭا فازاعا كوشتى. اقش قىتاي ەلشىلەرىن حيۋستوننان قۋىپ شىقتى، ال قىتاي چەندۋ قالاسىنان اقش ەلشىلەرىن شىعارىپ جىبەردى.
2. اقش كۇللى دەموكراتيالىق ەلدەرگە قىتايعا قارسى بىرىگۋگە ۇندەۋ تاستادى. اقش مەمحاتشىسى مايك پومپەو "كوممۋنيستىك قىتاي جانە ازات الەم بولاشاعى" اتتى ۇندەۋ ءسوزى جاڭا قىرعي-قاباق سوعىستى باستادى دەسەك بولادى.
3. اقش وڭتۇستىك-شىعىس ازيا ەلدەرىندەگى قىتايدىڭ تەڭىز كۇشتەرىن اۋىزدىقتاۋ ءۇشىن جاڭا قۇجات جاساۋدا. قازىردىڭ وزىندە ۆەتنام مەن تايلاندتىڭ بالىق اۋلاۋىنا كەدەرگى بولعان قىتاي ارەكەتىن قاتاڭ ايىپتاپ، ولاردى قولدايتىنىن اشىق جەتكىزدى.
4. اقش "تايۋاننىڭ تاۋەلسىزدىگىن مويىندايمىن" دەپ بەيجىڭدى قورقىتتى. سولاي بولسا، تايۋانمەن تاۋەلسىز ەل رەتىندە قاتىناس جاساپ، بارلىق قارۋدى بەرە الادى جانە اسكەري بازا ورناتۋعا قۇقىق الادى.
5. گونكونگتاعى ارەكەتكە بايلانىستى سانكتسيا سالۋدى باستادى. شىڭجاڭ ءۇشىن بىرقاتار شەنەۋنىكتەر مەن كومپانيالارعا سانكتسيا سالدى.
6. قىتايداعى اقش كومپانيالارىن وزگە ەلدەرگە شىعارىپ جاتىر. اسىرەسە ۇندىستانعا.
7. اقش قىتايدىڭ كوممۋنيستىك پارتياسىنا مۇشە جاندار اقش-قا كىرگىزىلمەيتىنىن ايتتى. ولاردىڭ سانى شامامەن 92 ملن ادام.
ارى قاراي نە بولۋى مۇمكىن؟
اسحات قاسەنعالي، “ادىرنا” ۇلتتىق پورتالى
