شىمكەنت قالاسى قاراتاۋ اۋدانىندا بيىل 39 كوپقاباتتى ءۇيدىڭ قاسبەتى رەتكە كەلتىرىلۋدە. بۇل جۇمىستارعا سول ۇيلەردىڭ تۇرعىندارىنان قارجى جۇمسالمايدى، بيۋدجەتتەن دە قاراجات قارالماعان. ۇيلەردىڭ قاسبەتىن ارلەۋ بيزنەستىڭ الەۋمەتتىك جاۋاپكەرشىلىگى اياسىندا جۇزەگە اسىرىلىپ وتىر. بۇل تۋرالى قاراتاۋ اۋدانىنىڭ اكىمى ا.الىقۇلوۆ مالىمدەدى.
ونىڭ ايتۋىنشا، اسار شاعىن اۋدانىندا 2017 جىلى پايدالانۋعا بەرىلگەن 30 كوپقاباتتى ۇيدە سىرتقى ارلەۋ جۇمىستارى جۇرگىزىلۋدە. نىساندا 12 بريگادا جۇمىس ىستەسە، ءار بريگادادا 8 قۇرىلىسشىدان بار. ۇيلەردى قاپتاۋعا وتە ساپالى «سايدينگ» ماتەريالى قولدانىلىپ جاتىر.
«اسار اۋماعى بويىنشا جالپى سانى 30 كوپقاباتتى ۇيدە قۇرىلىس جۇمىستارى جۇرگىزىلىپ جاتىر. ونىڭ ىشىندە 18 ءۇيدىڭ قۇرىلىسى تولىق ءبىتىپ، 12 ءۇيدىڭ قۇرىلىسى 1 اي ىشىندە اياقتالادى. كوپقاباتتى ۇيلەردىڭ قۇرىلىسىنا 500 ملن. تەڭگەدەن استام قاراجات جۇمسالۋدا. قۇرىلىسقا كەتكەن شىعىننىڭ بارلىعىن "اق ورداسى» كورپوراتسياسى" جشس كوتەرىپ جاتىر»، -دەيدى اۋدان اكىمى.
سونىمەن قاتار، ول «ءنۇرسات» شاعىن اۋدانىنداعى №18,19,20 كوپقاباتتى تۇرعىن ۇيلەردىڭ سىرتقى قاسبەتتەرىن رەتكە كەلتىرۋ جۇمىستارى «بەسقۇدىق تاس» جانە «ارت قۇرىلىس» جشس تاراپىنان جۇرگىزىلسە، اقجايىق شاعىناۋدانى «تۇلپار» تۇرعىن ءۇي كەشەنىندە ورنالاسقان 6 تۇرعىن ءۇيدىڭ قاسبەتىن «ەريستايل-قازاقستان» جشس –گى جۇرگىزىپ كەلەدى.
شىمكەنت
