Shymkent qalasy Qarataý aýdanynda bıyl 39 kópqabatty úıdiń qasbeti retke keltirilýde. Bul jumystarǵa sol úılerdiń turǵyndarynan qarjy jumsalmaıdy, bıýdjetten de qarajat qaralmaǵan. Úılerdiń qasbetin árleý bıznestiń áleýmettik jaýapkershiligi aıasynda júzege asyrylyp otyr. Bul týraly Qarataý aýdanynyń ákimi A.Áliqulov málimdedi.
Onyń aıtýynsha, Asar shaǵyn aýdanynda 2017 jyly paıdalanýǵa berilgen 30 kópqabatty úıde syrtqy árleý jumystary júrgizilýde. Nysanda 12 brıgada jumys istese, ár brıgadada 8 qurylysshydan bar. Úılerdi qaptaýǵa óte sapaly «saıdıng» materıaly qoldanylyp jatyr.
«Asar aýmaǵy boıynsha jalpy sany 30 kópqabatty úıde qurylys jumystary júrgizilip jatyr. Onyń ishinde 18 úıdiń qurylysy tolyq bitip, 12 úıdiń qurylysy 1 aı ishinde aıaqtalady. Kópqabatty úılerdiń qurylysyna 500 mln. teńgeden astam qarajat jumsalýda. Qurylysqa ketken shyǵynnyń barlyǵyn "Aq Ordasy» Korporaııasy" JShS kóterip jatyr», -deıdi aýdan ákimi.
Sonymen qatar, ol «Nursát» shaǵyn aýdanyndaǵy №18,19,20 kópqabatty turǵyn úılerdiń syrtqy qasbetterin retke keltirý jumystary «Besqudyq Tas» jáne «Art Qurylys» JShS tarapynan júrgizilse, Aqjaıyq shaǵynaýdany «Tulpar» turǵyn úı kesheninde ornalasqan 6 turǵyn úıdiń qasbetin «Erıstaıl-Qazaqstan» JShS –gi júrgizip keledi.
Shymkent
