گەرمانيا رەسەيدىڭ G8 كلۋبىنا ورالۋىنا قارسى شىقتى

2684
Adyrna.kz Telegram

گەرمانيا رەسەيدىڭ "ۇلكەن سەگىزدىك" (G8) كلۋبىنا ورالۋىنا قارسى شىقتى.

بۇل تۋرالى Centralasian.org  گەرمانيانىڭ سىرتقى ىستەر ءمينيسترى حايكو مااسقا سىلتەمە جاساپ  حابارلادى. ونىڭ ايتۋىنشا، حالىقارالىق كلۋبقا ورالۋ ءۇشىن ماسكەۋ قىرىمدى اننەكسيالاۋ ماسەلەسىن رەتتەپ، ۋكراينانىڭ شىعىسىنداعى احۋالدى شەشۋعا كومەكتەسۋى كەرەك. مااس 2014 جىلى رەسەيدى بۇل كلۋبتان وسى ماسەلەلەرگە بايلانىستى شەتتەتكەنىن، قازىر ونىڭ وتىرىستارى G7 فورماتىمەن ءوتىپ جۇرگەنىن ەسكە سالدى.

گەرمانيا سىرتقى ىستەر ءمينيسترى ۋكرايناداعى، سيريا مەن ليۆياداعى جانجالداردى شەشۋ ءۇشىن رەسەي باسقا دا ەلدەرگە كەرەك ەكەنىن ايتتى. بىراق، مااستىڭ پىكىرىنشە، مۇنداي ماسەلەلەردى شەشۋگە "ۇلكەن جيىرمالىق" فورماتى كوبىرەك كومەكتەسەدى.

بۇنىڭ الدىندا اقش پرەزيدەنتى دونالد ترامپ رەسەي پرەزيدەنتى ۆلاديمير ءپۋتيندى سامميتكە شاقىرعان دۇرىس دەپ مالىمدەگەن. دەگەنمەن ترامپتىڭ ۇسىنىسىن كلۋبتىڭ باسقا دا مۇشەلەرى قولدامادى.

رەسەي پرەزيدەنتى ۆلاديمير پۋتين "ۇلكەن سەگىزدىككە" ورالۋعا قارسى ەمەس ەكەنىن ايتقان.

حالىقارالىق G7 كلۋبىنا ۇلىبريتانيا، گەرمانيا، كانادا، فرانتسيا، اقش جانە جاپونيا كىرەدى. رەسەي بۇل ۇيىمعا 1997 جىلى قوسىلعان، بىراق 2014 جىلى كلۋبتان شىعارىلعان.

"ادىرنا" ۇلتتىق پورتالى

پىكىرلەر